Sereńko 34:8 - সান্তালী বাইবেল

⁸ Cakha ạikạukate ńelpe Probhu Isor doe bhagegea; bhạgangeae uni hoṛ do, okoe do unireye hirlạkʼkan.

Sereńko 34:8 Referans Kwoze

Sereńko 119:103

Amakʼ sanam gokʼakʼ do ińakʼ alaṅre heṛemgea! Ona do ińakʼ mocare dumur rasa khon hõ heṛemgea.

Jirimiạ 31:14

Naekeko do sanamakʼteń purunkoa, ar ińren hoṛko do ińakʼ bhor iạteko tirpidokʼa. Iń Probhu Isorge noa katha doń meneda.”

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Sereńko 84:12

E sanam daṛeanicʼ Probhu Isor, okoe amreye bhorsakʼ kan uni doe bhạgangea.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Sereńko 36:7

E Isor, amakʼ asambheṛ dulạṛ reakʼ dam do ohoge emlena; ar amakʼ phạ̃kṛạ̃kʼ umulre manwa do hirlạko ńama.

Sereńko 36:10

Okoe amko baḍae akatʼme onkore amakʼ asambheṛ dulạṛ do jaejug hạbicʼ tahen ma; ar okoeyakʼ ontor khạṭige onko do jaoge amakʼ dhorom bicạrko ńama.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.