Sereńko 34:4 - সান্তালী বাইবেল

⁴ Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Sereńko 34:4 Referans Kwoze

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Sereńko 56:3

Botor rakapʼạńre iń do am cetanreń bhorsakʼ kana.

2Timothi 1:7

Ente Isor do ḍurukiạ jiu do bae emakatʼbona; bickom nonkan jiugeye emakana, one unire do daṛe, dulạṛ ar apnar sambṛaokʼ reakʼ ektiạri menakʼ.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Sereńko 31:22

Iń do botorteń menleda, “Am ṭhen khon iń doń begar akana.” Menkhan goṛo ńam lạgitʼ tinreń hohowatʼmea unre am do ińakʼ nehõrrem ańjomketʼtińạ.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Luk 11:9

“Onateń metapekana, koepe ado emapea; ńam baṛaepe adope ńama; ṭhopʼ ṭhoppe ado jhicʼapea.

Sereńko 22:24

Nacaricʼ reakʼ nacartetʼ do bae nihạ̃t giḍiya; Uni secʼ acʼakʼ mẽtʼãhã do bae betʼ dohokakʼa, bickom uniyakʼ rakʼjoṅakʼe ańjomketʼtaea.

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”

Sereńko 35:27

Dhorom horteń calakʼkan, noa katha ańjomkate okoeko rạskạkʼkan onko do kusiteko hulạsokʼma. Ar jao ghuṛigeko men ma, “Probhu Isorakʼge sarhao hoyokʼtaema; uni do acʼren gutikoakʼ bhạlại iạteye kusikʼ kana.”

Sereńko 40:17

Iń do reṅgecʼ ariń nacargea, menkhan iń reaṅ do Probhu Isorgeye dạndikʼ kana. E ińren Isor, alom biloma amkangeam ińren gokʼṛoyicʼ ar babańcaoicʼ do.