Sereńko 34:21 - সান্তালী বাইবেল

²¹ Bedhoromkoakʼ gujukʼ do bạṛicʼakʼ tire; ar okoe dhorom hoṛko hirkhạwako kan onko doko bicạr dusi ocokʼa.

Sereńko 34:21 Referans Kwoze

Sereńko 94:23

Onkoakʼ behokakʼ do onko cetanregeye ạguiya, onkoakʼ bedhoromakʼge uni doe cabakoa; aboren Isor Probhu Isorgeye onkakoa.

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

Sereńko 89:23

Uni samaṅrege iń do uni upạrtenkoń chirchạturkoa ar okoe uniko hirkhạwae onko doń maraokoa.

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Sereńko 40:15

Ar okoe iń ńelteko men, “Besge hoyakana!” Onko do lajaokateko ruạṛ calakʼma.

1 Samuel 31:4

Unre Sạul do acʼren khanḍa bhanḍa asenicʼ hoṛe metadea, “Amakʼ tarwaṛe oḍokkate ińakʼ hoṛmo sobokʼ tabme. Ar baṅkhan onko bin khatna hoṛko hecʼkateko bemanotińạ.” Menkhan uniren khanḍa bhanḍa asenicʼ hoṛ do bae rebenlena, ente uni do ạḍitetʼ botor caṛhao akawade tahẽkana. Unre Sạul do acʼakʼ tarwaṛe cetanreye bhindạṛena.

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

1 Rapajko 22:37

Nonkate Israelren raj doe gocʼena ar uni do Samariạteye ạgu ocoyena. Ar hoṛko do onḍegeko topakadea.

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Exodus 12:46

Oka oṛakʼre bheḍa hoponpe gurko ona oṛakʼrege ona do jom hoyokʼa. Oṛakʼ bahrete do alope idiya ar uni bheḍawakʼ mitʼṭen jaṅ hõ alope rạpudtaea.

Sereńko 20:8

Onko doko copotʼ akana, arko sombotʼ bhindạṛ akana menkhan abo do bohokʼ sojhekate bon teṅgo ṭak akana.