Sereńko 34:13 - সান্তালী বাইবেল

¹³ Enḍekhan uni do alaṅte bạṛicʼ katha aloe roṛma, ar luṭite eṛeakʼ kathako aloe oḍok ocoyma.

Sereńko 34:13 Referans Kwoze

Sereńko 141:3

E Probhu Isor, ińakʼ mẽtʼãhãre pharadarko dohokom, ar ińakʼ luṭi silpiń do horhoytińme.

Kạhtukko 21:23

Okoe acʼakʼ moca ar alaṅe dobnao uni do muhin khon rukhiyại ńama.

1 Patras 2:22

Uni do bae kại akada uniyakʼ mocare jãhãn phorphundi hõ baṅ tahẽkana.

Jakob 1:26

Okoe apnarte dhorome hudisokʼkan menkhan acʼakʼ alaṅ bae sambṛao daṛeakʼkan uni do apnargeye bulạukʼkana. Ar uniyakʼ dhorom korom do ạuṛiyakʼgetaea.

Kolossiko lạgitʼ Pạul Apostolakʼ ciṭhi 3:9

Alope eṛea, ente aperen “Mare hoṛtetʼpe” oḍok giḍi akadea ar uniyakʼ kạmiko sudhạ kicricʼ lekape totʼ giḍi akadea ar “Nãwã hoṛtetʼpe” horokʼ akawana. Uni “Nãwã hoṛtetʼ ” do arhõe nãwã arokʼkante acʼren sisirjạuicʼ lekae hoyokʼ kana jemon uni sisirjạuicʼ do purạtepe baḍae orom daṛeae.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Kạhtukko 13:3

Okoe acʼakʼ mocae sontortae uni do acʼakʼ jiwiye rukhiyạitaea, menkhan okoe begor sontorte kathae roṛ uni doe jarkharokʼa.

Kạhtukko 12:22

Eṛeyicʼakʼ mẽtʼãhã Probhu Isor doe kurudakʼ kana, menkhan pạtiạrte kạmikan hoṛ do uniren rạskạ reakʼ kanako.

Kạhtukko 12:19

Sạriyicʼakʼ reakʼ katha do jaejug hạbicʼ tahena, menkhan eṛeyicʼakʼ reakʼ katha do thoṛa dinge.

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

Kạhtukko 18:21

Moca reakʼ katharege jion ar moron do ṭehãḍokʼa; okoe lek lekan kathako roṛ onko do ona reakʼ joko ńama.

Kạhtukko 19:9

Eṛe gohayicʼ do sạjạiye ńamgea; ar okoe eṛe gohae em uni doe jarkharokʼa.

Sereńko 55:11

Onare marao utạrakʼ kạmi hõ calakʼkana; santao ar phạsiạra kạmiko hõ nagraha reakʼ kulhi khon baṅ sạṅgiń akana.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Kạhtukko 12:7

Bedhoromko doko marao utạrokʼa, onkoakʼ bõsko do baṅ tahena, menkhan dhorom hoṛkoakʼ bõsko do ṭikạu tahena.

Jobakʼ 15:13

Nonkate am do Isor upạrtem raṅgaokʼkana onako katha do amakʼ moca khonem oḍoketʼa.

Amos 5:14

Ape jemonpe bańcao daṛeakʼ ona lạgitʼ bhageakʼko khudạupe, bạṛicʼakʼ do baṅa; enḍekhan cetʼlekape roṛ baṛae onkage sanam daṛeanicʼ Probhu Isor do sạrige ape sãoteye tahena.