Sereńko 34:1 - সান্তালী বাইবেল

¹ Iń do sanam okte Probhu Isoriń sarhaoea; ińakʼ mocare uniyakʼ sereń do mitʼtalaoge tahena.

Sereńko 34:1 Referans Kwoze

1 Thessalonikikko 5:18

jotowakʼre Isor gun manao joharaepe; ente Jisu Mạsi hotete ape lạgitʼ Isorakʼ monejoṅakʼ do nonka kangea.

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Ephesiko lạgitʼ Pạul Apostolakʼ ciṭhi 5:20

Siń sạṭupʼ aboren Probhu Jisu Mạsi ńutumte Isor Baba gun manao joharaepe.

Sereńko 71:8

Ińakʼ mocare amakʼ sarhao sereń do perecʼge tahena, ona do goṭa dinge amakʼ sarhaokʼ reakʼ kathae roṛeda.

2 Thessalonikiko 2:13

Probhu Isorre dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao dohoakatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriyakʼre apeakʼ biswạs hotete kại khon bańcaope ńamakada.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Sereńko 71:6

Janam khonge iń do amreń bhorsa akana; ińren eṅgạńakʼ kukhi khon amgem oḍok ạgukedińa. Amge ińren jao okteren sarhaoicʼ kanam.

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sahre idikʼkante ale do sarhao emokʼ lek kantalea.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Genesis 20:2

Onḍe acʼren bạhu Sara do arhõ acʼren misera menteye lạikedea. Ona iạte onḍenicʼ Abimelek raj do hoṛ kolkate Sara acʼ ṭhene ạgukedea.

Genesis 26:1

Abrahamakʼ oktere leka niạ dhao hõ disạmre mitʼṭecʼ akal hoyena. Ona iạte Isahak do Gora nagrahate Philisṭikoren raj Abemelek ṭhene calaoena.

1 Samuel 21:11

Menkhan Akisren hoṛ do Akisko metadea, “Nuige baṅ disạmren raj do? Nui reaṅge cetʼ hoṛko do enecʼ sereńateko menleda, ‘Sạul doe gocʼketʼkoa hajar hajar Dạud doe gocʼketʼkoa ojut ojut?’ ”