Sereńko 33:7 - সান্তালী বাইবেল

⁷ Uni do jalapuri reakʼ dakʼkoe jarwa ocoyetʼa, ar judạ judạ murạikore onako dakʼe dohoyeda.

Sereńko 33:7 Referans Kwoze

Exodus 15:8

Amakʼ sãhetʼte dakʼ do jarwayena. Ar ḍheokote perecʼ dakʼ do ḍhipi leka teṅgoyena, ar athantar dakʼ do jalapurire jomaṭ badhaoena.

Josuạ 3:13

Ar tinre goṭa prithimiren Probhu Isorakʼ goha-sinduk gokʼ idikan naekeko jordan gaḍa reakʼ dakʼreko bolokʼa ar unre ạtukʼkan dakʼ do thir hapekʼa ar ona reakʼ dakʼ do ḍhip leka teṅgo tahena.”

Habakkuk 3:15

Amakʼ ạyurte sadom do doreãoko lebḍakeda ar athantar dakʼ doko haḍak ḍabak ocokeda.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Kạhtukko 8:29

ar tinre jalapuri reakʼ simạkoe benaoetʼ tahẽkana jemon dakʼ do uniyakʼ niạm bahrete bae sen daṛeakʼ, ar tinre uni do dhạrti reakʼ rehetʼe ṭhiketʼ tahẽkana,

Jobakʼ 26:10

Marsal ar ńut tala reakʼ simạnare uni do rimil ar doreão talare beṛhaete simạnae dohoakada

Sereńko 78:13

Uni do jalapuriye bar hạṭińletʼte ona talate onkoe parom idiletʼkoa; uni do dakʼko ḍhipi lekae teṅgo ocoleda.