Sereńko 33:16 - সান্তালী বাইবেল

¹⁶ Maraṅ palṭon phạdko tahenre hõ raj do bae rukhiyạ daṛeakʼa; ar maraṅ daṛe tahentaere hõ bir banṭa hoṛ do bae rukhiyạ daṛeakʼa.

Sereńko 33:16 Referans Kwoze

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Bikʼcạrko 7:2

Probhu Isor do Gideone metadea, “Midiạnrenko onkoakʼ tireń soprotko lạgitʼ do amren hoṛkoakʼ lekha ḍhergetakoa. Ariń onka lekhan Israelko do apnarko sarhaokʼa arko men boteja, akoakʼ daṛetegeko bańcao akana.

Exodus 14:28

Jalapuri reakʼ dakʼ do mitʼ ruạṛente rãt gạḍiko ar aswarikoakʼ, metakʼme Israelko tayomteko ńir hijukʼkan Pharaoren goṭa palṭon phạdkoe unum cabaketʼkoa. Onko do ar okoehõ jiwetʼ bako tahẽlena.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

1 Samuel 17:4

Philisṭiren Guliạt ńutuman mitʼṭen birbanṭa hoṛ do onkoakʼ lạṛhại phạd khone oḍok hecʼena. Uni do Gat nagraharen hoṛe tahẽkana. Uni do usulte turui moka talae tahẽkana.

Josuạ 14:12

Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”

1 Rapajko 20:10

Benhadad do unre Ahab ṭhen niạ sombate kolkeda, “Ińren sanam hoṛko mimitʼ muṭkate emako leka dhuṛi hõ jodi Samariạre tahentam enḍekhan debotako do ińko sạjạyińma ar ona do ạḍi bạṛicʼ sạjạige.”

Bikʼcạrko 7:4

Unre Probhu Isor do Gideone metadea, “Ńit hõ ḍher hoṛko sarecʼ akana. Onko do dakʼ ṭhen idikom. Ar iń do onḍe onkoń bachaokoa. Ariń men khan, ‘nui hoṛ am sãoteye senokʼa, ’ enḍekhan uni doe calakʼa; ariń men, ‘nui hoṛ am sãote bae calakʼa, ’ enḍekhan uni do bae calakʼa.”

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

1 Rapajko 20:15

Ahab do niạ katha ańjomkate eṭakʼ eṭakʼ disạm cakʼlaoko taberen lạṛhại juạnkoe jarwaketʼkoa. Onate onko do barsae pegel bar hoṛko hoyena. Ar ona tayom uni do Israelren sanam lạṛhại phạdko mitʼ ṭhene jarwaketʼko khan onko do eae hajar lạṛhại phạdko hoyena.

2 Bõsbudạ 13:8

“Ńitokʼ Dạudren hoponkoakʼ tire Probhu Isorakʼ okaṭakʼ rajosṭi menakʼ ape do ona upạrte teṅgokʼpe menetʼkana. Ape do sạrige gadel lạṛhại phạdko kanape ar ape talare do sonaren mĩhũ muṭhạnko menakʼkoa ar Jerobiam do aperen debotako hoyokʼ lạgitʼte onkoe benao akatʼkoa.

Jobakʼ 36:7

Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Sereńko 20:8

Onko doko copotʼ akana, arko sombotʼ bhindạṛ akana menkhan abo do bohokʼ sojhekate bon teṅgo ṭak akana.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

Jirimiạ 48:14

“Ape do cekatepe meneda, ‘birbao hoṛ kanale, ale do dilan lạṛhại bir kanale?’

Hosea 10:13

Menkhan ape do dusṭạmigepe laṭkao akawana, ar bạṛicʼakʼ reakʼ phosolpe getʼ akada ar eṛeteakʼ jo hõpe jom akada. Ape do apeakʼ daṛe ar ḍher lạṛhạiko cetanrepe bhorsa akana;

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

Amos 2:15

Dhinkiạ hõ ohoko teṅgo ṭarhao daṛelea, ar coṭkarko dạṛ daṛeakʼ hoṛ hõ bako dạṛ daṛeakʼa; hẽ, aswariko hõ akoakʼ jiwi do ohoko rukhiyạ daṛelea.