Sereńko 33:10 - সান্তালী বাইবেল

¹⁰ Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Sereńko 33:10 Referans Kwoze

Sereńko 21:11

Onko do am upạrte bạṛicʼ sopolha ar bạṛicʼakʼ reakʼko goṭayetʼre hõ, onko do onare ohoko jitạu daṛelena.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

Sereńko 140:8

E Probhu Isor, bạṛicʼkoakʼ monsubạ do alom purạu ocoytakoa; onkoakʼ soṛojontro hõ alom jo baha ocoytakoa, jemon bạḍạite aloko phulạukʼ. (Sela)

Sereńko 9:15

Eṭakʼ jạtrenko do apnarko la akatʼ ghaḍlakʼregeko khańjokʼ kana; ar akoko oḍao akatʼ jhạliregeko jhạlikʼ kana.

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

2 Samuel 17:14

Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

2 Samuel 15:34

Menkhan nagrahate ruạṛ senkate Absalom metaeme, ‘E maharaj iń do amren guti menkategeń tahena; cetʼleka iń do ạpumren gutiyiń tahẽkan onkage ńitokʼ hõ amren gutige minạńa.’ Enḍekhan am do Ahitophelawakʼ sopolha iń lạgitʼem bhoṭ ocoya.

Genesis 11:8

Ona tayom Probhu Isor do ona jaega khon goṭa dhạrtireye pasnaoketʼkoa. Onate onkoakʼ ona nagraha reakʼ kạmi do bondentakoa.

2 Rapajko 6:9

Unre Isorren hoṛ do Israelren raj ṭhene roṛ gotʼkada, “Sontorokʼme, phalna jaega secʼ do alom calakʼa, ente Aramrenko do onḍeko calakʼ kana.”

Nehemiạ 4:9

Menkhan ale do aleren Isor ṭhenle koekeda ar onko botorte siń ńindạ pahrae lạgitʼle bebostakeda.

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Jeheskel 20:32

“ ‘Ape dope menetʼ kana, dhạrtiren eṭakʼ jạtren hoṛko lekape hoyokʼa okoe do kaṭ ar dhiri reakʼko pujạwakʼkan. Menkhan apeakʼ monre oka menakʼ ona do tishõ baṅ hoyokʼa.

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.