Sereńko 32:4 - সান্তালী বাইবেল

⁴ ente siń ar ńindạ amakʼ ti do unre iń cetanre hamalge tahẽkana; ar setoṅ din reakʼ dãk leka ińakʼ hoṛmo reakʼ daṛe hõ komae idikʼkan tahẽkana. (Sela)

Sereńko 32:4 Referans Kwoze

1 Samuel 5:11

Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.

Sereńko 22:15

Hasa bhajan reakʼ rạputʼ kelhatʼ leka ińakʼ daṛe do rohoṛ hijukʼ kana, ar ińakʼ alaṅ hõ jambere jaladokʼkana; am do gujukʼ reakʼ dhuṛirem gạḍiạu kedińa.

Jobakʼ 33:7

Ińakʼ toras do bae toras ocomea, ar ińakʼ ota do bae hamal ocomea.

Rak̕joṅ 5:10

Aleakʼ harta do bhaṭa leka dhipạu akana; reṅgecʼ reakʼ jaljalao iạte.

Rak̕joṅ 4:8

Menkhan ńitokʼ onko do doat kạli khon hõ ḍherko hende akana; kulhikore bako ńel oromokʼ kana. Onkoakʼ harta do jaṅkore jalatʼ caba akantakoa; ona do kaṭ leka rohoṛ akana.

Jobakʼ 30:30

Ińakʼ harta do chaḍaokʼ ńurokʼkantińạ; ar jaṅ do lolote khạurạ akantińạ.

Jobakʼ 16:21

Manawa cetʼleka gate secʼ kathae roṛ onkage eken mitʼ hoṛ iń ńutumte Isor ṭhen kathae roṛ daṛeakʼ khan!

1 Samuel 6:9

Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”

1 Samuel 5:9

Onko do sinduk onḍeko idiketʼ khan Probhu Isor do ona nagraha upạrte tiye rakapʼketʼtaea. Onate onḍenko hoṛ do ạḍiko botorena. Isor do nagraharen kạṭicʼ lạṭu sanam hoṛkoe hạnketʼkoa, ar onate sanamkoge ona ojo ruạ ńamketʼkoa.

Rut reakʼ kạhini 1:13

enḍekhan aben do cetʼ unkin harakʼ hạbicʼ ben tạṅgikakʼa? Ar unkin iạte cetʼ baben baplakʼa? Baṅa, bạhu, ona do baṅ hoyokʼa. Abenakʼ khon ạlińakʼ jiwi do ḍher haṛhatʼ getalińạ, ente Probhu Isor do ạliń upạrteye teṅgo akana.”