Sereńko 32:3 - সান্তালী বাইবেল

³ Iń do tinre kại bạń aṅgoc akatʼtiń tahẽkana unre goṭa dingeń hae haeyokʼkan tahẽkana ar ińakʼ jaṅko do heṛokʼkantiń tahẽkana;

Sereńko 32:3 Referans Kwoze

Sereńko 38:8

Iń doń nijor akana, ariń rạputʼ akana, ar ontor reakʼ hasoteń kạulạ kạulikʼ kana.

Sereńko 38:3

Amakʼ edre iạte ińakʼ hoṛmo do niphuṭ bạnukʼa, ar kại iạte ińakʼ jaṅko hõ nirại bạnukʼ anaṅ.

Rak̕joṅ 3:8

Goṛo ńam lạgitʼ iń hohoyetʼre ariń rakʼetʼre, uni do ińakʼ koejoṅ bae ańjometʼtińạ.

Sereńko 22:1

E ińren, Isor E ińren Isor, cedakʼem bạgi giḍiwạdińa? Iń rukhiyạyiń baṅkate, ińakʼ rakʼ koejoṅ ańjom baṅkate, cedakʼem pharak akana?

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jobakʼ 30:30

Ińakʼ harta do chaḍaokʼ ńurokʼkantińạ; ar jaṅ do lolote khạurạ akantińạ.

Sereńko 51:8

Iń do kusi ar hulạs reakʼ aṛaṅ ańjom ocoyińme; ar amem gejer akatʼ ińakʼ jaṅko hõ rạskạ ocowakʼme.

Rak̕joṅ 3:4

Ińakʼ harta ar jel doe rohoṛ ocoakatʼtińạ ar jaṅko doe rạputʼ giḍiakatʼtińa.

Rak̕joṅ 1:3

Kosṭo ar kajak khaṭaokʼ tayom Jihudạ do sạṅgińteye bondi idi ocoakana. Uni do eṭakʼ jạtrenko talareye girobasokʼ kana; ar okarehõ jirạu do bae ńam akada. Okoe uniko khudạulede onko do uniyakʼ dạrun dukko talatege uniko sapʼ tiyokʼ akadea.

Jesaea 59:11

Abo sanamkoge bana leka bon hukạueda, ar parwa leka bon bak bạkureda. Abo do dhorom reakʼ bicạr ar bańcaoge bon khojkana, menkhan ona do ḍher sạṅgińre tahenkana.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Sereńko 6:2

E Probhu Isor, dayawạńme, enteń nijorgea. E Probhu Isor, bogeyińme, ente ińakʼ jaṅko do botorte thar tharaokʼ kantińạ,

Jobakʼ 30:17

Ńindạ jokhecʼ ińakʼ jaṅkore ạḍi ãṭ hasoyedeń kana; ona togocʼ edeń haso do baṅge thirokʼ kana.

Jobakʼ 3:24

Ińakʼ kuhrạuge ińakʼ jomakʼ do hoyakana, ar ińakʼ geraṅ do gaḍa dakʼ leka bhumbukokʼ kana.

2 Samuel 11:27

Ado homor halaṅ reakʼ okte sạten khan Dạud do acʼakʼ oṛakʼte uniye ạgukedea. Ar acʼren bạhui hoyena ar mitʼṭen gidrại janamkedea. Menkhan Dạud okae cekaketʼ onate Probhu Isor do bae kusilena.

Jesaea 57:17

Onkoakʼ lob laloc reakʼ ghạṭ iạteń edre sạngińlena, ar onkoń sạjạiletʼkoa ar edre iạteń dea giḍiletʼkoa; enhõ onko do akoakʼ kusi leka calakʼko ehopʼena.

1 Samuel 31:13

Ona tayom onko do onkoakʼ jaṅko hataokate onḍenakʼ mitʼṭecʼ hesel dare buṭạreko topakada ar eae mãhã hạbicʼko upạskeda.

Kạhtukko 17:22

Rạskạkʼkan ontor do hoṛmo mońje dohoya, menkhan rạputʼ mon do hoṛmoe nosṭo ocoya.