Sereńko 31:2 - সান্তালী বাইবেল

² Iń secʼ amakʼ lutur oḍaotam; ar bańcaoiń lạgitʼ usạrate hijukʼme. Iń rukhiyạyiń lạgitʼ asray cạṭạnige hoyokʼme ar ińakʼ aotan gaṛ hõ hoyokʼme.

Sereńko 31:2 Referans Kwoze

Sereńko 102:2

Ińakʼ muhinre alom dea giḍikạńạ. Ińakʼ katha luturakʼme; ińiń hohowamre alom biloma.

Sereńko 86:1

E Probhu Isor, ińakʼ katha luturakʼtińme ar roṛ ruạṛạńme, ente iń do nandan ariń nacargea.

Sereńko 130:2

E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

Dosar Biboron 32:31

Bạirikoakʼ asray buru do aboakʼ asray buru leka do baṅkana, noa do aboren bạirikoakʼ bicạr phanḍaoakʼ kana.

1 Johan 4:12

Isor do okoege tishõ bako ńelakadea. Ar abo mimitʼko bon dupulạṛ khan, enḍekhan bon bujhạu daṛeakʼa, Isor do aboakʼ ontorre menaea ar uniyakʼ dulạṛ do aboakʼ ontorre purạteye kạmikana.

Johan 6:56

Okoe ińakʼ jele jom ar ińakʼ mãyãme ńũi uni do ińreye tahẽnkana ar iń hõ unire.

Luk 18:8

Ińiń metapekana, onkoakʼ dhorom bicạrtako lạgitʼ uni do bae biloma. Menkhan Manwa Hopone hecʼlenre uni do cetʼ dhạrtire biswạse ńamgea?”

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Kạhtukko 22:17

Ạkilankoakʼ kathare lutur oḍaotam, ar okaṭakʼko menetʼ ona ańjomme; ar iń okaṭakʼ sikhnạtiń emamkan ona moneyakʼme.

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 94:22

Menkhan Probhu Isorge ińren aotan gaṛ do; ar ińren Isorge ińren asray buru.

Sereńko 91:9

“E Probhu Isor, amge ińren hirlạ do.” Am dom goṭa ṭhik akada maraṅ Isorge amren hirlạ kanae;

Sereńko 90:1

E Probhu Isor, piṛhike piṛhi am kangeam aleren thamgạḍi do.

Sereńko 79:1

E Isor, eṭakʼ jạtrenko do amakʼ sompottiko hat akada, ar onko do onḍeko bolo akana; amakʼ sonot oṛakʼko bhõnḍ akada; ar Jerusalem do maraokʼ reakʼ dhiri puńjirko hoyoco akada.

Sereńko 69:17

Amren golam secʼ khon amakʼ mẽtʼãhã do alom ạcurtama; iń do muskilreń paṛao akana, ńitge roṛ ruạṛạńme baṛe.

Sereńko 62:7

Ińakʼ bańcao ar manot do Isorrege bhorsa akana; Isorge ińren daṛe, ar ińren usul buru, unige ińren aotan gaṛ.

Sereńko 40:17

Iń do reṅgecʼ ariń nacargea, menkhan iń reaṅ do Probhu Isorgeye dạndikʼ kana. E ińren Isor, alom biloma amkangeam ińren gokʼṛoyicʼ ar babańcaoicʼ do.

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

2 Samuel 22:3

Isor kangeae ińren usul buru do, unirege iń doń asray akana. Uni do ińren ḍhal kanae, rurukhiyạicʼ dereńge, unige ińakʼ usul gaṛ, ińakʼ asray ṭhạ̃i. Sasantaokoakʼ ti khon amge bańcaoińme.

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Sereńko 25:2

E ińren Isor, am cetanregeń bhorsa akana, am do lajaore alom paṛao ocoyińạ; ińren bạiriko jemon iń upạrte hulạsokʼ reakʼ ạt aloko ńam.