Sereńko 31:14 - সান্তালী বাইবেল

¹⁴ Menkhan E Probhu Isor, iń do amregeń hirlạ akana; ariń meneda, “Am kangeam ińren Isor do.”

Sereńko 31:14 Referans Kwoze

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 43:5

E ińakʼ jiwi, cedakʼ am dom be as akana? Cedakʼ nunạkʼ dom cońcol akana? Isor cetanre bhorsa dohoyme, ente iń do arhõń sarhaoea; unige ińren babańcaoicʼ ar ińren Isor kanae.

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ ocogokʼ khan begor onań ńũite, enḍekhan amakʼ sana lekage baṛe hoyokʼma.”

Sereńko 140:6

E Probhu Isor, amiń metam kana, “Am kangeam ińren Isor do.” E Probhu Isor, ińakʼ nehõrjoṅ baṛe luturakʼme.

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Sereńko 71:22

E ińren Isor, amakʼ pạtiạrtetʼ iạte iń do taranakʼ banam seletʼ iń sarhaomea; E Israelren sonoticʼ, iń do peṛesaṅ banamateń sarhao sereńama.

Sereńko 71:12

E Isor, iń ṭhen khon sạṅgińre do alom tahena; E ińren Isor, iń goṛowạń lạgitʼ dela usạrate hijukʼme.

Johan 20:17

Jisui menkeda, “Alom hạṛubińạ, ente ńit hõ sermaren Baba ṭhen ạuriń calakʼa. Am do senkate boehako lạiyakome, okoe doe iń ar aperen Babakan ar okoe doe iń ar aperen Isorkan, iń do uni ṭheniń rakapʼ calakʼkana.”

Mathae 27:46

Khan pe baja okte Jisu do ãṭ aṛaṅte hohoateye menkeda, “Eloi Eloi Lama Sabakthani,” metakʼme, “E ińren Isor, E ińren Isor, cedakʼem bạgi giḍiwạdińa?”

Genesis 37:18

Onko do sạṅgiń khon Josephko ńel ńamkedea ar ako ṭhen ạuriye seṭerokʼrege goje reakʼko solhawana.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”