Sereńko 31:13 - সান্তালী বাইবেল

¹³ Iń reaṅ ạḍi hoṛko oktayetʼkan ona hõń ańjometʼgea, iń beṛhaete do botorge menakʼa. Onko do iń upạrte mitʼ sãoteko solha joṅkana, ar gojeń lạgitʼko soṛojontro kana.

Sereńko 31:13 Referans Kwoze

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Mathae 27:1

Ado setakʼen khan maraṅ naekeko ar murubbiko do Jisu goje reakʼko goṭakeda.

Rak̕joṅ 2:22

Porob reakʼ dinre cetʼ leka hoṛkom jarwako onkage iń beṛhaete aema lekan botorakʼkom jarwa akada. Probhu Isorakʼ edre hilokʼ do cele hõ bako paskaokʼa ar celehõ bako sarejokʼa; iń do okoe joton ariń ạsul haraletʼko ińren bạiri do onkogeko marao akatʼkoa.

1 Samuel 20:33

Unre Sạul do Jonathan goje lạgitʼ borlome sohoradea. Ar onate Jonathan doe bujhạukeda, acʼren apat do Dạud goje reakʼe ṭhik dohoakada.

Luk 23:5

Menkhan onko do artetʼ ãṭ aṛaṅte memenko ehopʼena, “Jihudi Prodes reakʼ sanam jaegareye cetʼ akokante hoṛkoe ạulạuetʼkoa. Uni do Gạlil khon ehopʼkate ńitokʼ do nonḍeye hecʼakana.”

Mathae 26:59

Unre maraṅ naekeko ar maraṅ bạisiren sanam hoṛko do Jisu goje lạgitʼ eṛe gohakoko ńam baṛayetʼko tahẽkana.

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Jirimiạ 6:25

Nagraha bahrete alope oḍok calakʼa se kulhikore hõ alope dãṛãna, ente bạirikoakʼ tire do tarwaṛe menakʼa ar goṭage bạṛicʼ botor menakʼa.

Sereńko 101:5

Okoe danaṅre eṭakʼkoakʼko oktayetʼkan onko doń marao giḍikoa; bạḍại mẽtʼan ar dhomok monankoakʼ hõ bạń sahaotakoa.

Sereńko 57:4

Reṅgecʼ edekan dhạcri kul leka hoṛko talare iń doń giticʼ akana; onkoakʼ ḍaṭa do borlom ar sar leka, ar alaṅ do laser tarwaṛe lekage.

Sereńko 55:10

Onko do cetʼ reakʼ coṅ sendrae lạgitʼ siń ńindạ nagraha reakʼ pạcrikoreko ạcur baṛaekana. Ar nagrahare do dusṭạmi ar bedhorom kạmiko calakʼ kana.

1 Samuel 24:9

Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.

Genesis 40:23

Menkhan uni darkha rasa dudulicʼ do Josephakʼ ona katha doe hiṛińkeda; ar bae disạleda.