Sereńko 30:7 - সান্তালী বাইবেল

⁷ E Probhu Isor, am do dayate ińakʼ buru do kajaktem teṅgo ocoakatʼa, menkhan am do mẽtʼãhãm danaṅketʼtam khan, iń doń keklesetʼena.

Sereńko 30:7 Referans Kwoze

Sereńko 104:29

Mẽtʼãhãm danaṅetʼtam khan onko doko keklesedokʼ kana; ar onkoakʼ sahetʼem hatao ruạrletako khan onko doko gujukʼa,

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 89:17

Amge coṅ onkoakʼ daṛe reakʼ mońjtetʼma; amakʼ dayatege aleakʼ daṛe reakʼ dereń do coṭteye rakapʼ akantalea.

Sereńko 40:2

Uni doe rakapʼ ạgukedińa sasette perecʼ khạnduṛuṅ khon dalahe losotʼ reakʼ ghaḍlakʼ khonge. Uni do dhiri cetanreye teṅgokedińa ar keṭecʼ hasa cetanreye taṛam ocokedińa.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 5:12

E Probhu Isor, okoe amko botoram, onko cetanre sạrige amakʼ bhor do menakʼgea; ar amakʼ dayate onko do ḍhal lekam danaṅ esetʼ akatʼkoa.

Jobakʼ 10:12

Jiwim emakawạdińa, ar asambheṛ dulạṛem udukʼakadińạ; amakʼ jotonte ińakʼ jiwim rukhiyạ akatʼtińạ.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Sereńko 10:1

E Probhu Isor, sạṅgińre do cedakʼem teṅgo akana? Ar gạr jokhecʼ do cedakʼem cokokokʼ kana?