Sereńko 30:4 - সান্তালী বাইবেল

⁴ E Probhu Isor botorae kanko, ape do uni sereńaepe; ar uni sonottetʼ reakʼ sarhaotaepe;

Sereńko 30:4 Referans Kwoze

Sereńko 97:12

E Isor sewawae kan hoṛko, Probhuge aperen rạskạwạnicʼe hoyokʼma. Ape ge uniyakʼ sonottetʼ sarhaotaepe.

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”

Sereńko 148:14

Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.

Sereńko 132:9

Amren naekeko do dhorom reakʼ kicricʼko horogma, ar am botoram kanko do rạskạteko sereńma.

1 Bõsbudạ 16:4

Probhu Isorakʼ sinduk samaṅre dewasewa kạmi lạgitʼ Dạud do adom Liwikoe bahalketʼkoa jemon onko doko koejoṅ arko gunmanao johar daṛeakʼ ar Israelkoren Probhu Isorakʼ ńutumko sarhao daṛeakʼ.

Jesaea 6:3

Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.

Sereńko 50:5

Uni doe meneda, “Iń botorạń kanko do iń ṭhen jarwakom, one okoe do janwar dãṛẽko hotete ińakʼ bondobosko ataṅ akatʼ.”

Sereńko 32:11

E Isor botoraekan hoṛko, Probhu Isorge aperen rạskạwạnicʼe hoyokʼma, uni iạtege ape do kusikʼpe; ar ontorre okoepe khạṭige, ape sanamkoge hulạsate sereńpe.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

1 Samuel 2:6

Probhu Isorgeye gogocʼa ar Probhu Isorgeye jiwetʼa; unige patal purireye khadlewa ar unige onḍe khone owar rakapʼa.

Sereńko 28:1

E Probhu Isor, ińren asray buru, iń do amgeń hohowam kana. Am do ińakʼ kathate lutur alom tubạtʼ katama, ente hape akanem tahen khan enḍekhan patal purite okoeko pheḍakan onko lekage ińakʼ dosa do hoyokʼtińạ.

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

Sereńko 107:20

Acʼakʼ katha kolkate onkoe bogeketʼkoa; uni do ghaḍlakʼ khone owarketʼkoa.