Sereńko 30:11 - সান্তালী বাইবেল

¹¹ Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

Sereńko 30:11 Referans Kwoze

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jesaea 25:8

Gujukʼ do jaejug lạgitʼe marao giḍikakʼa. Probhu Isor do sanamkoakʼ mẽtʼ dakʼe jodtakoa ar uniren hoṛkoakʼ henosta do goṭa dhạrti khone sạṅgiń giḍikakʼa. Probhu Isor do niạ kathageye meneda.

Sosolhayic̕ 3:4

rakʼjoṅ okte ar landae okte, homor halaṅ okte ar enecʼ lạgitʼ okte,

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

Sereńko 149:3

Onko do enecʼ enecʼte uniko sarhao sereńae ma, tabla ar banamte uniko õṛhẽyema;

Sereńko 150:4

Tabla ruwate enecʼ enecʼte uni sarhaoepe, taranakʼ banam ar tạriạ oroṅate uni sarhaoepe.

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

2 Samuel 6:14

Dạud do Musnạ reakʼ ephod horokʼkate Probhu Isor samaṅre uniyakʼ sanam daṛete enejokʼe ehopʼena.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Sereńko 4:7

Ḍher phosol ar nãwã darkha rasa rakapʼlenre cetʼ leka hoṛkoko rạskạkʼ, ona khon ḍher rạskạte am do ińakʼ ontorem perecʼ akada.

Johan 16:20

Sạrigeń metapekana, ape dope rakʼjoṅa arpe hae haeyokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

2 Bõsbudạ 20:9

‘jãhãn muhinko ale cetanre hecʼpaṛaokʼ- baṅ do lạṛhại, baṅ do mahamạri ar baṅ do akal-enḍekhan ale do niạ oṛakʼ samaṅre, metakʼme am samaṅrele teṅgona, ente am do niạ oṛakʼregem tahẽnkana. Aleakʼ kosṭo jokhecʼ ale do am ṭhengele raga, ar aleakʼ rakʼ joṅakʼem ańjomtalete alem bańcaolea.’

Jesaea 25:3

Ona iạte daṛean jạtrenko do amko sarhaomea ar kurmutạha jạtrenkoakʼ nagraha do amko botorama.

Ester 9:22

Niạ reakʼ karon do hoyokʼkana, niạkin dinre Jihudiko do akoren bạirikoakʼ ti khon rukhiyạko ńamleda ar inạ candoge onkoakʼ duk ar hae haeyokʼ do sukte pheraolena. Uni do onkoe olatʼkoa jemon onakin din do hulạsateko manao arko bhoj ar eṭakʼko ṭhen do jomakʼ ar reṅgecʼko do sandesko emakote ona dinko manao.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Genesis 45:28

Uniye menkeda, “Ińren hopon Joseph ńit hõ jiwetʼ menae onage ḍhera. Ar gujukʼ lahare iń do senkate mitʼ dhaoiń ńelea.”

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

Sereńko 27:7

E Probhu, amiń hohowamre ańjomtińme, ar dawayạńme baṛe, ariń hohowamre roṛ ruạṛạńme.

Jirimiạ 52:33

Jehoyakin do jel khana reakʼ kicricʼe bocʼkeda ar jion reakʼ sarecʼ dinko do raj sãote jom ńũkateye paromkeda.