Sereńko 28:9 - সান্তালী বাইবেল

⁹ E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Sereńko 28:9 Referans Kwoze

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Sereńko 78:71

Uni do toa emokʼkan bhiḍiko ńel todarotko kạmi khone ạgukedea, jemon uni do Probhu Isorren hoṛko, metakʼme Jakob bõsrenko, okoe do uniyakʼ sompotti onko Israel jạtrenkoe gupi daṛeako.

Dosar Biboron 9:29

Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Esra 1:4

Isorren hoṛko okoe do ńithõ jiwetʼ menakʼko onko do jãhãregeko girobasokʼkan onko modre Jerusalemte okoe calakʼko menjoṅkan onko aḍepaseren hoṛko do sona, rupạ, emateakʼ jinisko ar janwarkoko em goṛoakoma ar Jerusalemre Isorakʼ oṛakʼ lạgitʼ apnarakʼ kusite dan sandesko emokʼma.’ ”

1 Rapajko 8:51

ente Israelko do amren hoṛ kangeako, ar amren sompotti kanako okoe do Misor disom khon, one mẽṛhẽtʼ galao reakʼ culhạ khonem oḍok ạgu akatʼko.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Sereńko 25:22

E Isor, Israelko akoakʼ sanam dukko khon chaḍaokome baṛe.

1 Rapajko 8:53

E Probhu Isor, aleren hapṛamko Misor disạm khon oḍok ạguko jokhecʼ amren guti Mose hotete amakʼ roṛ saḍeakʼ lekate amren sompottiko hoyokʼ lạgitʼ dhạrtiren sanam jạtrenko tala khon am do Israelkom begar dohoakatʼkoa.”

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Jirimiạ 31:7

Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jesaea 46:3

“E Jakob bõsrenko, ar Israel bõsren sarecʼ sanam hoṛko, ape do ińakʼ katha ańjompe. Kukhirepe gaṛhaolen okte khon arpe janamen tayom khon ińge ape doń heo ạguakatʼpea.

Sereńko 14:7

Israelkoakʼ babańcao do Sion khonge hijukʼa; Probhu Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa, ar Israelko hõko kusikʼa.

Mikạ 5:4

Ar uni disạm cakʼlaoicʼ do hecʼkate Probhu Isorakʼ daṛete, acʼren Probhu Isorakʼ ṭhonokte uni do gukʼpiyicʼ leka acʼren hoṛkoe ạyurkoa. Onko do khạtirjomako girobasokʼa, ente uni doe maraṅ utạricʼkan ona katha do unre dhạrti reakʼ ses simạ hạbicʼko aṅgoca;

2 Samuel 21:3

Dạud do Gibeonkoe kuliketʼkoa, “Ape lạgitʼ do cetʼ iń ceka daṛekea? Ar apeakʼ loksanko cetʼ lekateń puruntapete Probhu Isorakʼ ạidạriren Israelpe bhor daṛekekoa?”

2 Samuel 7:7

Okoe nạbiko cetanre ińren hoṛko jotonko lạgitʼ bhariń ematʼko tahẽkan, ar Israelko sãote judạ judạ jaegare ạcur baṛaekan tahẽkan jokhecʼ okoe mukhiyạ hõ bạń metatʼko tahẽkana, cedakʼ debdạru reakʼ kaṭte iń lạgitʼ oṛakʼ bape benaoeda.’

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.