Sereńko 28:5 - সান্তালী বাইবেল

⁵ Probhu Isorakʼ ti okae kạmi akatʼ onko do ona reakʼ bako hetawakʼkana, onatege uni do onkoe marao giḍikoa, ar bae benao rakapʼkoa.

Sereńko 28:5 Referans Kwoze

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Johan 12:37

Menkhan onko samaṅre cinhạ lekate unạkʼ hahaṛawakʼkoe kạmiketʼre hõ hoṛko do unire bako pạtiạulena.

Sereńko 10:5

Uni do jitạu reakʼ horte jaogeye laha idikʼkana; uniyakʼ mẽtʼ do amakʼ ḍanṭao bae ńel ńama, ente ona do ạḍi coṭgea; ar acʼren sanam bạiriko doe neṅghaoetʼkoa.

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 45:12

Ińge dhạrti sirjạukate onare manwań sirjạukedea; iń do ińakʼ tite sermań pasnao akada ar sermaren siń cando, ńindạ cando ar ipilkoń benao akatʼkoa.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 22:11

Mare pukhri reakʼ dakʼ dohoy lạgitʼte ape do banar pạcrikin talare mitʼṭecʼ dakʼ dohoy lạgitʼ pukhripe benaokeda. Menkhan okoe onae hoyocoletʼ uni secʼ do bape beṅgetʼleda, ar ḍher din lahare okoe niạko reakʼe goṭaletʼ uni hõ bape botoradea.

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

1 Rapajko 11:38

Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.

2 Samuel 7:27

“E sanam daṛeanicʼ Probhu, Israelkoren Isor, amren guti ṭhen niạ reaṅ do sodortegem menakada, ‘am lạgitʼ iń do mitʼṭecʼ bõsrenkoń benao rakapʼkoa.’ Onate am ṭhen niạ koejoṅ amren gutiyakʼ monre dil hoyakana.

Numeri 23:23

Jakob cetanre jãhãn gonokko do ohoge cahṭao daṛelena; Israelko cetanre jãhãn mantar hõ ohoge cahṭaolena. Jakob, metakʼme Israel reaṅ do ńitokʼ noa katha menogokʼa, ‘Isor okae ceka akatʼ ona ńelme.’

Sereńko 8:3

Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.