Sereńko 28:3 - সান্তালী বাইবেল

³ Okoeko phạsiạrage, ar okoe do bạṛicʼakʼko kạmikan ar okoe jotoko tulucʼ bhageko roṛetʼkan menkhan ontorre bạṛicʼakʼ menakʼtako, onko sãote sạjạiyiń lạgitʼ do alom or seledińạ.

Sereńko 28:3 Referans Kwoze

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 26:9

Kại hoṛko tulucʼ alom samṭao seledińạ; okoe mãyãm joroyko kusiyakʼkan, onko sãote hõ alom seledińạ.

Mikạ 3:5

Okoe nạbiko ińren hoṛko bạṛicʼ horteko idi akatʼko ar onko jãhãeye jom ocoakatʼko enḍekhan onko do “Suluk ” menteko roṛ sodora; menkhan bako jom ocoko enḍekhan onko do uni upạrte lạṛhại lạgitʼko sapṛaokʼa. Ona iạte Probhu Isor do onko nạbikoe metakokana,

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Sereńko 36:4

Onko do aṭetʼre giticʼkate hõ bạṛicʼ phundiko aṭãoa; onko do bedhorom horre apnartetʼko jimạ akana ar bạṛicʼakʼ do bako hirkhạwakʼ kana.

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Sereńko 7:14

Bedhoromicʼ do kukhire bạṛicʼakʼkoe dohoyeda, ar kukhire bạṛicʼakʼe dohoyte bedonreye paṛaokʼa ar eṛeyakʼkoe janam ocoya.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Sereńko 10:7

Uniyakʼ moca do sarap, ṭhok ar jorjulumte perecʼgea; uniyakʼ alaṅre do behok ar bạṛicʼakʼ reakʼ katha menakʼa.

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

Sereńko 141:4

Ińakʼ mon do jãhãn bạṛicʼ jinis secʼ alom sen ocowakʼa, jemon bedhoromko sãote bạṛicʼ kạmire aloń seledokʼ; ar onkoakʼ bhage bhage jomakʼ jemon aloń jom.