Sereńko 28:2 - সান্তালী বাইবেল

² Goṛo ńam lạgitʼ amiń hohowamre ar amakʼ sonot ṭhạ̃i secʼ tiyiń rakabtińre ińakʼ nehõr joṅakʼ baṛe ańjomtińme.

Sereńko 28:2 Referans Kwoze

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Sereńko 140:6

E Probhu Isor, amiń metam kana, “Am kangeam ińren Isor do.” E Probhu Isor, ińakʼ nehõrjoṅ baṛe luturakʼme.

Sereńko 134:2

Sonotakʼ ṭhạ̃i secʼ ti tultape ar Probhu Isor sarhao sereńaepe.

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Sereńko 143:6

Iń do am secʼ tiyiń tiyạretʼtińạ; khaṅgoṭ ot leka ińakʼ jiwi do amre tetaṅokʼ kana.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 63:4

Iń do jiwetʼ tahen bhor amiń sarhaomea; ar am ṭhen iń do ti tulkateń koejoṅa.

2 Bõsbudạ 6:13

Uni do mõṛẽ moka jeleń, mõṛẽ moka osar ar pe moka usul pitạl reakʼ mitʼṭecʼ macane benao ocoletʼte tala racareye dohokeda. Uni do ona macanre decʼkate sanam Israelko samaṅreye ikhṛumena ar banar ti serma secʼ tiyạr ketʼteye menkeda,

1 Rapajko 8:38

unre amren Israel hoṛko jãhãege mon khon kastaokate niạ mundil secʼ ti tiạrkateko koejoṅ se am ṭhenko nehõrokʼ,

1 Rapajko 6:19

Mundil oṛakʼ talare Probhu Isorakʼ bondobos sinduk dohoy lạgitʼ Solomon do nonkan sonot utạrakʼ ṭhạ̃iye benaokeda.

1 Rapajko 6:5

Ar asolakʼ kandha ar sonot utạrakʼ ṭhạ̃i reakʼ pe aṛe bhit jalatʼte pe mahla mitʼṭecʼ oṛakʼe benaokeda. Ar onare ạḍi utạr khuṛpikoe dohokeda.

Sereńko 130:2

E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

Sereńko 141:1

E Probhu Isor, amiń hohowam kana, am do usạrate iń ṭhen hijukʼme; ar amiń hohowamre ańjomtińme baṛe.

Daniel 6:11

Unre onko do mitʼ dhaote onḍe senkate Daniel Isor ṭhen koejoṅ ar nehõrokʼkanko ńelkedea.