Sereńko 28:1 - সান্তালী বাইবেল

¹ E Probhu Isor, ińren asray buru, iń do amgeń hohowam kana. Am do ińakʼ kathate lutur alom tubạtʼ katama, ente hape akanem tahen khan enḍekhan patal purite okoeko pheḍakan onko lekage ińakʼ dosa do hoyokʼtińạ.

Sereńko 28:1 Referans Kwoze

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Kạhtukko 1:12

Onko do jiwetʼ hoṛmowante cetʼleka patal purite, metatʼme ona khạndṛuṅteko pheḍokʼkan, onkage dela, abo do jiwetʼte onko bon utʼgotʼkakoma;

Sereńko 83:1

E Isor, alom duṛupʼ hapekokʼa; E Isor, am do moca alom bondtama, roṛme baṛe.

Johan sodor 20:3

Tayomte kulup oṭokate ona cetanreye chap oṭowada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Jobakʼ 33:28

Sheolte calakʼ hor khon uni doe chaḍao akadińạ; ińakʼ jiwi do marsale ńeljoṅa.

Jesaea 38:18

Ente Sheol do bae sarhao daṛeama ar gujukʼ hõ bae õṛhẽ daṛeama. Ar okoe niạ khorloṅteko pheḍ calakʼ onko do amakʼ gokʼakʼ reakʼ pạtiạrtetʼ bako ńel daṛeakʼa.

Sereńko 35:22

E Probhu Isor, am do noakom ńeleda, am do alom thir hapekokʼa; E Probhu Isor, am do iń sorrege tahenme.

Sereńko 30:9

“Ińakʼ gujukʼre se patal puriteń calakʼre do cetʼ labtiń? Dhuṛi do cetʼ ame sarhaomea?

Sereńko 22:2

E ińren Isor, siń bhoriń hohowam kana, menkhan am do bam roṛ ruạṛạń kana; ar ńindạ hõ iń do thir akan bạń tahẽnkana.

Sereńko 3:4

Iń do ãṭ aṛaṅte Probhu Isoriń hohowae kana. Uni do acʼakʼ sonot buru khone roṛ ruạṛạńạ. (Sela)

Sereńko 77:1

Iń do ãṭ aṛaṅte Isor ṭheniń rakʼeda; ar ãṭ aṛaṅteń guhereda jemon uni doe luturakʼtiń.

Sereńko 69:15

Ḍubạ dakʼ jemon iń cetante alo ạtukʼ; ar athantar dakʼ jemon bae unum daṛeạń; ar kuń hõ alo jemone sikupʼ esediń.

Sereńko 5:2

E ińren raj, E ińren Isor, amakʼ goṛo lạgitʼ ińakʼ rakʼjoṅ ańjomtińme, ente am ṭhengeń koejoṅ kana.

Sereńko 142:1

Iń do ãṭ aṛaṅte Probhu Isoriń rakʼae kana; ińakʼ ãṭ aṛaṅte Probhu Isor ṭheniń nehõrokʼ kana.

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Sereńko 42:9

Ińren Isor ṭhen, ińakʼ aotan buru ṭhen, iń do noa kathań roṛa, “Cedakʼ am dom hiṛińkedińa? Ar cedakʼ iń do bạirikoakʼ santao iạte monre duk seletʼiń dãṛãnkana?”

Sereńko 30:4

E Probhu Isor botorae kanko, ape do uni sereńaepe; ar uni sonottetʼ reakʼ sarhaotaepe;

Sereńko 142:2

Ar duk reakʼ katha do uni samaṅreń phuṭạueda, ar ińakʼ kosṭo reakʼ katha hõ uni samaṅreń lạiyeda.