Sereńko 27:9 - সান্তালী বাইবেল

⁹ Iń khon amakʼ mẽtʼãhã alom bedtama, ar edrete amren golam do alom laga ńireńa; amge ińren goṛoyicʼem tahẽ hecʼakana. E Isor, ińren babańcaoicʼ, iń do alom bạgiwạńạ, ar alom giḍi sayeńa.

Sereńko 27:9 Referans Kwoze

Sereńko 69:17

Amren golam secʼ khon amakʼ mẽtʼãhã do alom ạcurtama; iń do muskilreń paṛao akana, ńitge roṛ ruạṛạńme baṛe.

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 102:2

Ińakʼ muhinre alom dea giḍikạńạ. Ińakʼ katha luturakʼme; ińiń hohowamre alom biloma.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Sereńko 24:5

Uni do Probhu Isor ṭhen khon bhore ńama; ente uni do uniyakʼ sana lekae calakʼ kana ar uniren babańcaoicʼ Isor do onae udukʼaea.

Sereńko 119:121

Iń do hok reakʼ iń bicạr akada ar dhoromiń kạmi akada; ar okoe ińko santaoedeń kan onkoakʼ tire do alogem aṛakʼ giḍikạńạ.

Sereńko 88:1

E Probhu, ińren babańcaoicʼ Isor, iń do siń sạṭupʼ am ṭheniń rakʼetʼkana.

Sereńko 51:11

Am samaṅ khon alom pharak giḍikạńạ; iń khon amren sonot Jiu do alom idiyea.

Sereńko 44:24

Cedakʼ mẽtʼãhã dom betʼ akatʼtama? Aleakʼ duk ar santao reakʼ katha do cedakʼem hiṛiń akada?

Sereńko 13:1

E Probhu Isor, ar tinạkʼ din? Am do cetʼ jaejug hạbicʼem hiṛińkạńạ? Iń ṭhen khon ar tinạkʼ din hạbicʼ amakʼ mẽtʼãhã dom ạcur dohokakʼa?

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Jesaea 59:2

Menkhan apeakʼ kạige aperen Probhu Isor ṭhen khone begar akatʼpea. Apeakʼ ghạṭ iạtege uni doe dea giḍiakatʼpea; ar onatege bae ańjometʼtapea.

Sereńko 69:18

Am do iń ṭhen hecʼkate chaḍao ińme; ar chaḍaoińme, ente ińren do bạiri menakʼkoa.

Sereńko 102:3

Ińakʼ dinko do dhũạ leka cabayena; ińakʼ jaṅko do culhạ seṅgelre lo roṅgokʼ kantińạ.