Sereńko 25:8 - সান্তালী বাইবেল

⁸ Probhu Isor doe bhagegea are bhạlạiyicʼ kana, onate acʼakʼ hor reakʼakʼko uni do kại hoṛkoe cetʼ akokana.

Sereńko 25:8 Referans Kwoze

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Sereńko 92:15

Onate porcarokʼa, Probhu Isor doe dhoromgea; unige ińren daṛe do ar unire jãhãn behok do bạnukʼa.

Mathae 9:13

Iń do mãyãgeń kusiyakʼ kana, dãṛẽ do baṅ, sonot sostorre noa katha reakʼ mane cetʼkana mente ona baṛe ḍunḍhạukate ńelpe. Ente dhorom hoṛ hohoako lạgitʼ do baṅ, menkhan kại hoṛko lạgitʼgeń hecʼakana.”

Jesaea 26:7

Isor botorae hoṛkoakʼ hor do somangea; E dhoromicʼ, am do Isor botoraekoakʼ horem somaneda.

Sereńko 119:68

Am dom bhagegea arem bhạlạiyetʼa; amakʼ ạnko baṛe cetʼạńme.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Luk 11:13

Enḍekhan apepe bạṛicʼgere hõ aperen gidrạko bhage bhage jinisko emakope baḍaekan khan, sermaren Baba do acʼ koeyekanko tinạkʼ artetʼ sonot Jiue emakoa!”

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.