Sereńko 25:6 - সান্তালী বাইবেল

⁶ E Probhu Isor, amakʼ mãyã ar khạndri dulạr reakʼ katha am do alom hiṛińa; onako do jug khonakʼge menakʼtama.

Sereńko 25:6 Referans Kwoze

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

2 Korinthiko 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Uni kangeae mãyãwan Baba do; ar sanam jiwi raṛecʼren Isor hõ.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

1 Johan 3:17

Noa dhạrtire jiwetʼ tahen lạgitʼ okoeyakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniyakʼ ontorre Isorakʼ dulạṛ do tahẽ daṛekokʼa?

Philipiko lạgitʼ Pạul apostolakʼ ciṭhi 1:8

Mạsi Jisuakʼ mãyã monte ape tinạkʼ iń dulạṛetʼpe ona reakʼ goha do Isorge.

Luk 1:54

Ar aboren hapṛamko ṭhen okae menletʼ tahẽkan, onkage uni do acʼren guti Israelkoe ńel sãohãketʼkoa. Abraham ar uni bõsren hoṛko cetanre jaejug hạbicʼ mãyãwako reakʼ kathae disạ dohoakatʼa.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Sereńko 119:77

Ińre amakʼ mãyã hijukʼma jemon jiwetʼiń tahen, ente amakʼ hukum doe rạskạ ocoyedeń kana.

Sereńko 107:1

“Probhu Isor sarhaoepe, ente uni doe bhagegea; ar uniyakʼ daya do jaejug hạbicʼ tahenkana.”

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 103:4

Uni do patal puri khon amakʼ jiwiye owaretʼtama; uni do asambheṛ dulạṛ ar dayateye esetʼ ạcuretʼmea.

Sereńko 69:16

E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

Sereńko 40:11

E Probhu Isor, amakʼ mãyã iń khon alom sapʼ dohoytama; amakʼ asambheṛ dulạṛ ar pạtiạr do jao ghuṛige jemone rukhiyạyiń ma;

2 Bõsbudạ 6:42

E Probhu Isor, amem ojokʼ bahal akatʼko hoṛkoakʼ koejoṅ do alom dea giḍikakʼa; amren guti Dạud okaṭakʼ khạndri dulạṛem udukʼ akawade ona baṛe disạ dohokakʼme.”

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Genesis 32:9

Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ.

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.