Sereńko 25:3 - সান্তালী বাইবেল

³ Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Sereńko 25:3 Referans Kwoze

Rak̕joṅ 3:25

Probhu Isor cetanre okoe asko dohoy ar okoe unireko bhorsakʼ uni do onkoe bhạlạikoa.

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Mikạ 7:7

Menkhan iń do Probhu Isor cetanre asiń dohoyeda, ińren babańcaoicʼ Isor lạgitʼ iń koyokʼ horeda. Ińren Isor do ińakʼ kathae ańjomtińạ.

Sereńko 62:5

E ińakʼ jiwi, am do thir hapekate Isorakʼ ńel horme, ente unige am do ase danama.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Romiko lạgitʼ Pạul Apostolakʼ ciṭhi 8:25

Menkhan oka baṅ ńam akan ona reakʼ aboakʼ as tahen khan enḍekhan abo do sombhurikatere hõ ona lạgitʼ bon ńel hohorkana.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

Sereńko 33:20

Abo do Probhu Isor lạgitʼge bon ńel horeda; uni kangea aboren goṛoyicʼ ar ḍhal do.

Sereńko 123:2

Golamkoakʼ mẽtʼ do cetʼleka kisạ̃ṛ reakʼ ti secʼ ar kạ̃ṛmĩkoakʼ mẽtʼ hõ akoren kisạ̃ṛ era secʼ, onkage aboakʼ mẽtʼ hõ Probhu Isor secʼ menakʼa, one ạuriye daya abon hạbicʼ.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Sereńko 69:6

E Probhu, sanam daṛeanicʼ Isor, okoe am koyokʼ horreko tahenkan onko do iń iạte lajao jemon aloko ńam. E Israelren Isor, okoe do am baḍaeme reakʼko ahkaokʼkan onko hõ iń iạte alo jemonko bemanot ocokʼma.

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Sereńko 132:18

Ar uniren bạiriko do lajao reakʼ kicricʼ iń horokʼ ocokoa, menkhan uniyakʼ bohokʼre do jhak jhakaokʼ kan mukuṭ tahena.”

Sereńko 71:13

Iń upạrtenko do lajao arko maraokʼma; ar okoe muhinre paṛaoiń lạgitʼko kurumuṭukan onko do hirkhạ ar opomanteko danaṅ esedokʼ ma.

Sereńko 31:17

E Probhu Isor, iń doń hohoakawatʼmea; lajaore alom paṛao ocoyińạ; bedhoromkoge boroṅ lajaoreko paṛaokʼma, onko do hape akae patal puriteko ńurokʼma.

Sereńko 62:1

Ińakʼ jiwi do eken Isorakʼ ńel horrege menaea, ente uni kangeae ińren rurukhạyicʼ do.

Sereńko 6:10

Ińren bạiriko do sanamkogeko lajao ocokʼa arko botorokʼa; onko doko ruạṛokʼa, ar ackage lajaoreko paṛaokʼa.

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Sereńko 119:78

Eṛe katha roṛte ińakʼ lokshan lạgitʼ bạḍạiko doko lajaokʼma; menkhan iń do amakʼ ạn ạriko reaṅgeń ganḍonjoṅa.

Sereńko 109:3

Onko do kurud kathateko esetʼ ạcur akadińạ, ar khamakhate iń tulucʼko lạṛhại kana.

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Genesis 49:13

“Sebulon do doreão aṛereye girobasokʼa; uni do jahajko reakʼ bondorgeye hoyokʼa; ar uniyakʼ simạ do Sidon hạbicʼ hoyokʼtaea.

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

Sereńko 22:6

Menkhan iń do mitʼṭen tejo kạnạń, manwa do baṅa; hoṛ do ińko siṛogạń kana ar manwa doko nihạ̃t edeńkana.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.