Sereńko 25:2 - সান্তালী বাইবেল

² E ińren Isor, am cetanregeń bhorsa akana, am do lajaore alom paṛao ocoyińạ; ińren bạiriko jemon iń upạrte hulạsokʼ reakʼ ạt aloko ńam.

Sereńko 25:2 Referans Kwoze

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”

Sereńko 41:11

Ińiń baḍaea am do ińre dhirpur akae menama, ente bạiri do iń cetanre bae jitạu daṛeada.

Sereńko 71:1

E Probhu Isor, iń do amregeń hirlạ akana, ar lajaore tishõ alom paṛao ocoyińạ.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Sereńko 22:5

Onko do am ṭhenko rakʼleda arem rukhiyạketʼkoa; amre bhorsakate onko do lajaore bako paṛaolena.

Sereńko 142:6

Ińakʼ rakʼjoṅ baṛe luturakʼtińme, ente ạḍi awaṭapareń paṛao akana; okoe ińko khudạu edeńkan onkoakʼ ti khon bańcaoińme, ente iń khon doko daṛeangea.

Sereńko 31:1

E Probhu Isor, iń do amregeń hirlạ akana; lajaore tishõ alom paṛao ocoyińạ; amakʼ dhorom bicạr iạte rukhiyạyiń me.

Jesaea 37:35

Ar ińge ińren guti Dạud lạgitʼ niạ nagrahań esetʼ ạcurkakʼa ariń rukhiyạya.’ ”

Sereńko 34:8

Cakha ạikạukate ńelpe Probhu Isor doe bhagegea; bhạgangeae uni hoṛ do, okoe do unireye hirlạkʼkan.

Jesaea 26:3

Okoeyakʼ mon amre tahẽ uricʼ akan uni do purạ suluktem dohoyedekana, ente uni do am cetanreye bhorsakʼ kana.

Sereńko 94:3

Ar tinạkʼ din, E Probhu Isor, ar tinạkʼ din bedhorom hoṛko do rạskạ reakʼ ạtko ńama?

1 Patras 2:6

Sonot sostorre ol menakʼa, Ńelpe, mitʼṭecʼ damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do oka lekate hõ bae lajao ocokʼa.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Sereńko 37:40

Probhu Isorge onko doe goṛowakoa are rukhiyạkoa; bạṛicʼkoakʼ ti khon unige onkoe bańcaokoa, ar unige onko doe rukhiyạkoa, ente onko do unirege asrayko hatao akada.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 7:1

E Probhu, ińren Isor, iń do amregeń hirlạ akana. Ar okoe ińko khudạu edeńkan onkoakʼ ti khon rukhiyạyińme, ar amge bańcaoińme.

Sereńko 22:8

“Uni ma Probhu Isorreye bhorsakʼkan, enḍekhan unigeye rukhiyạyema; ar unigeye bańcaoema, ente uniregeye kusi akana.”

Sereńko 22:1

E ińren, Isor E ińren Isor, cedakʼem bạgi giḍiwạdińa? Iń rukhiyạyiń baṅkate, ińakʼ rakʼ koejoṅ ańjom baṅkate, cedakʼem pharak akana?

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 37:10

“Jihudạren raj Hiskiạ nonka metaepe, ‘okoe cetanrem bhorsakʼkan uni Isor doe meneda, Ạsurren rajakʼ tire Jerusalem do baṅ soprotokʼa. Uniyakʼ ona eṛe kathate am do alom bulạu ocokʼa.

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Sereńko 56:1

E Isor, dayawạńme baṛe, ente hoṛko do ińko laga baṛayediń kana. Ar jao ghuṛi lạṛhại iạteko kosṭoyediń kana.

2 Bõsbudạ 13:18

Nonkate Israelren hoṛko doko bhagao ocoyena, ar Jihudạren hoṛ doko jitạuena, ente onko do akoren hapṛamkoren Probhu Isor cetanreko bhorsalena.

Sereńko 13:5

Menkhan iń do amakʼ asambheṛ dulạṛreń bhorsa akana; ar amem bańcao edeńkante ińakʼ ontor do hulạsokʼ kantińạ.

Sereńko 31:2

Iń secʼ amakʼ lutur oḍaotam; ar bańcaoiń lạgitʼ usạrate hijukʼme. Iń rukhiyạyiń lạgitʼ asray cạṭạnige hoyokʼme ar ińakʼ aotan gaṛ hõ hoyokʼme.

Sereńko 31:15

Amakʼ tirege ińakʼ okteko do; okoe ińko khudạuedeń kan onko bạirikoakʼ ti khon amge bańcaoińme baṛe.

Sereńko 91:2

Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!