Sereńko 25:13 - সান্তালী বাইবেল

¹³ Uni do sulukte acʼakʼ jione khemaoa, ar uniren bõsko do disạmre ạidạriko ńama.

Sereńko 25:13 Referans Kwoze

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

Kạhtukko 19:23

Probhu Isor botorae do jion secʼe idiya; okoeyakʼ ona jion menakʼ uni do tirpite tahena, jãhãn muhinge uni ṭhen do baṅ hecʼ daṛeakʼa.

Kạhtukko 1:33

Menkhan okoe ińakʼ kathako ańjom onko do khạtirjomako girobasokʼa; onko do sulukteko tahena, ar bạṛicʼakʼ do bako botorakʼa.”

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Jesaea 65:23

Onkoakʼ khaṭaoteakʼ do baṅ ạuṛiyagokʼa ar onkoren hoponko do muhinre bako paṛaokʼa, ente onko ar onkoren hoponko do Probhu Isorakʼ bhor ńamjoṅ hoṛko hoyokʼa.

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Sereńko 37:26

Isor botoraeko do jao oktegeko dayakʼa ar pańcako emokʼa; onkoren bõsko do bhorko ńama.

1 Patras 3:10

Sonot sostorre olakana, Okoe sukte jion khemaoe menjoṅkan ar bhage din ńeljoṅ lạgitʼe asokʼkan, uni do bạṛicʼ kathako khon acʼakʼ alaṅ, ar eṛeakʼ kathako khon acʼakʼ luṭiye sambṛaotaema.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Sereńko 112:2

Uniren bõsko do dhạrtire daṛeanko hoyokʼa; ontorre okoeye khạṭige uniren bõsko do bhorko ńama.

Sereńko 69:36

Ar uniren golamren bõsren hoṛko do ạidạri lekate onako ńama, ar okoe uniko dulạṛe onko do onḍeko tahena.

2 Patras 3:13

Menkhan abo do Isorakʼ gokʼakʼ lekate nãwã serma ar nãwã dhạrti lạgitʼ bon koyokʼ horeda. Onḍe do sanamakʼge Isorakʼ monejoṅakʼ leka hoyokʼa.

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Dosar Biboron 33:12

Benjạmin reaṅ uni doe menkeda, “E Probhu Isor okoeyem dulạṛedekan uni do khạtirjoma unireye tahena; ar jao ghuṛi uni doe aḍ dohokaea; uniyakʼ tarenregeye tahena.”

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Sereńko 37:29

Isor botorae hoṛko do disạmko ạidạrijoṅa ar onḍe do jaejug hạbicʼko tahena.

Sereńko 37:22

Probhu Isor okoeye bhorako onko do ạidạriko ńama, menkhan okoe uniye sarapako onko doko marao ocokʼa.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Sereńko 37:9

Bạṛicʼ hoṛ doko marao ocokʼa, menkhan Probhu Isorre okoeko bhorsakʼ kan onko do disạmko ạidạri joṅa.

Sereńko 37:34

Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.