Sereńko 25:11 - সান্তালী বাইবেল

¹¹ Ińakʼ bedhorom reakʼ bojha do ḍhergea, onate E Probhu Isor, amakʼ ńutum rukhiyạitam lạgitʼ ińakʼ ona bedhorom baṛe ikạ kạtińme.

Sereńko 25:11 Referans Kwoze

Sereńko 79:9

E aleren babańcaoicʼren Isor, amakʼ ṭhonok lạgitʼge goṛowaleme baṛe; amakʼ ńutum bahaokʼ lạgitʼge bańcaoleme ar aleakʼ kạiko ikạ kataleme.

1 Johan 2:12

E hoponińko, Mạsi iạte apeakʼ kại ikạ akante ape ṭheniń oleda.

Sereńko 31:3

Amge ińren huṭupʼ dhiri ar aotan gaṛ do; amakʼ ńutum rukhiyại lạgitʼ horem udukʼạńạ arem ạyur idiyińạ.

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Romiko lạgitʼ Pạul Apostolakʼ ciṭhi 5:15

Menkhan Adamakʼ kại ghạṭko oka lekakan, Isorakʼ bin damanakʼ dan do onka baṅkana. Tinre mitʼṭen hoṛakʼ kại iạte aema doko gocʼena, unre Isorakʼ daya ar mitʼṭen manwa hotete oka dan hecʼen, ona do artetʼ aemako lạgitʼge sareṛena! Ar uni mitʼṭen manwa doe hoyokʼkana Jisu Mạsi.

Jeheskel 36:22

“Onatege am do Israelkom metakoa, Probhu Isore menetʼkana, ‘E Israelko, ape khạtirte noakoń kạmi lạgidokʼkan ona do baṅa, menkhan ińakʼ ona sonot ńutum khạtirtege onań onkaea. Ape okoe do jạt jạtrenko talarepe senlen onḍege ińakʼ ńutumpe besonot akada.

Jeheskel 20:9

Menkhan ińakʼ ńutum rukhiyại tiń lạgitʼ ona do bạń onka akada, jemon okoe jạtrenko talareko girobasokʼ kan tahẽkan onko ṭhen ińakʼ ńutum besonotakʼ alo hoyokʼ. Misor disạm khon Israelko oḍok ạgukate onko jạtrenkoakʼ mẽtʼ samaṅre Israelko ṭhen ińtetʼ geń sodorena.

Jesaea 48:9

Ińakʼ ńutum iạte ińakʼ edreń bilom ocoyeda; ar ińakʼ sabasi lạgitʼ ona doń sambṛaoa jemon aloń marao giḍipe.

Sereńko 109:21

Menkhan am do, E Probhu ińren Isor, amakʼ ńutum khạtirte iń baṛe dayawạńme; ar amakʼ dulạṛ do bhagege iạte iń bańcaoińme.

Sereńko 143:11

E Probhu Isor, amakʼ ńutum iạte nãwã daṛe baṛe danạńme; ar amakʼ dhorom iạte gạr khon bańcaoińme.

Exodus 34:7

Uniyakʼ asambheṛ daya do hajar piṛhi hạbicʼ tahenkana. Uni do behokakʼ, hul ar kạikoe ikạyetʼ kana, menkhan dusiyicʼ doe sạjạiyedea. Uni do apatakʼ ghạṭko onkoren hoponko ṭhen pe pon piṛhi hạbicʼe pańja halayetʼ kana.”

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.