Sereńko 23:4 - সান্তালী বাইবেল

⁴ Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.

Sereńko 23:4 Referans Kwoze

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?

Sereńko 138:7

Tinre iń do gạr talateń calakʼa unre ińakʼ jiwi do rukhiyại tińme; amakʼ ti tiạrte ińren bạirikoakʼ edre cabaetakome, ar amakʼ jojomtite rukhiyạyińme.

Sereńko 3:6

Iń upạrte ar iń beṛhaete hajar hajar hoṛko teṅgo akana, menkhan onko do bạń botorako kana.

Luk 1:79

jemon ńut ar gujukʼ umulreko duṛupʼ akan Onko do marsale emako, ar suluk reakʼ horteye ạyur idi bon.”

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Sereńko 44:19

Menkhan am do enhõ nonkan mitʼ jaegare alem rạputʼ caba akatʼlea one okare toyokoakʼ ḍerakan; ar ale do kaṛaṅ ńutrem esetʼ ạcur akatʼlea.

Sereńko 14:5

Isor do acʼren dhorom hoṛko sãote menaea, onate onko hoṛ do ạḍi botor paṛao akoa.

Jobakʼ 3:5

Dhund ar moron ńutge onakin apnar joṅma; rimil do uniye danaṅ esedema, ar kaṛaṅ ńut do onae botor ocoyma.

Sakariạ 11:10

Ona tayom iń do Daya ńutumakʼ ona ṭheṅga hataokateń rạputʼkeda ar sanam jạtrenko sãote okaṭakʼ bondobos tahẽkan onań bạtilkeda.

Sereńko 110:2

Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Jobakʼ 24:17

Onko lạgitʼ setakʼ do kaṛaṅ kucạṅ ńut kana; ar kaṛaṅ ńut do onkoren gatege.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Sakariạ 11:14

Ona tayom iń do Tonol ńutumanakʼ ona ṭheṅgań rạputʼketʼte Jihudạ ar Israel talare boeha reakʼ oka helmel tahẽkan onań nosṭokeda.