Sereńko 22:7 - সান্তালী বাইবেল

⁷ Jãhãegeko ńeleń kan onkogeko landa dhutʼạń kana. Onko do luṭiko binḍucʼeda ar bohokʼ ruku rukuteko meneda,

Sereńko 22:7 Referans Kwoze

Mark 15:29

Ar horte parom calakʼkanko do bohokʼ ruku rukuate Jisu siṛogaeteko metadea, “Eya mundil dhaṅ dhasericʼ ar pe dinte benao ruạṛicʼ!

Sereńko 109:25

Iń do onko ṭhen mitʼṭen landa dhutʼan hoṛ lekań hoyakana; onko do ińko ńelliń khange bohokʼko rukuitakoa.

Luk 23:11

Unre Herod do Jisui henostakedea are siṛogadea, ar uniren sipạhiko hõko onkawadea. Ona tayom uni do ṭhosok kicricʼe horokʼadete Pilạt ṭhene kol ruạṛkadea.

Mark 15:20

Adoko siṛog baṛawade khan beguni roṅakʼ kicricʼko totʼketʼtaea ar acʼakʼ kicricʼko horokʼadete kuruskae lạgitʼko idikedea.

Mathae 27:29

Ar jạnum nạ̃ṛĩ reakʼ mukuṭ galaṅkate bohokʼreko horokʼadea, ar jojom tire mitʼṭecʼ ṭheṅgako sapʼadea. Ona tayom ikhṛumkate siṛogateko metadea, “Johar Jihudikoren raj.”

Sereńko 44:14

Judạ judạ jạtrenko ṭhen aleakʼ ńutum do kạhtukgem hoyocoakada; ar hoṛko do ale ńelte bohokʼko rukuyetʼtakoa.

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Mathae 9:24

Onate Jisui metatʼkoa, “Ape do bahrete oḍokokʼpe. Kuṛi do bae gocʼakana, ekene jạpitʼ akada.” Noa katha ańjomkate onko do uniko landa dhutʼadea.

Jesaea 57:4

Ape do okoepe landa dhutʼae kana? Ar okoepe isiṛae kana ar alaṅpe totʼae kana? Ape do cetʼ sasantaoicʼ ar ekʼṛeyicʼren hopon dope baṅkana?

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.

Jobakʼ 16:10

Iń landa-dhutʼạń lạgitʼ hoṛ do mocako cahapʼ akatʼtakoa; siṛogate johareko thapa edeńkana ar iń upạrte mitʼ sãoteko jarwakʼ kana.

Jobakʼ 16:4

Ape hõ iń leka hoylentape khan enḍekhan iń hõ ape lekań galmarao daṛekea, ape upạrte ạḍi utạr kathakoń roṛkea ar ape ńelte bohokʼ iń rukukea.

Jobakʼ 12:4

Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”