Sereńko 22:6 - সান্তালী বাইবেল

⁶ Menkhan iń do mitʼṭen tejo kạnạń, manwa do baṅa; hoṛ do ińko siṛogạń kana ar manwa doko nihạ̃t edeńkana.

Sereńko 22:6 Referans Kwoze

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Jobakʼ 25:6

enḍekhan manwa do cekate sapha doe hoedaṛekokʼa? Uni do mitʼṭen tejo lekanicʼ kanae; manwa hopon do lenḍetʼ chaḍa ar cele hõe baṅkana.”

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Ibriko 13:12

Onkage Jisu hõ Jerusalem nagraha bahrere duk jomkateye gocʼlena, jemon acʼakʼ mãyãm hotete manwako kại khone chaḍaoko.

Mathae 11:19

Ar Manwa Hopon do hecʼkateye jom-ńũiyetʼte hoṛkoko meneda, ‘hạni ńelepe, mitʼṭen lebṛa ar darkha rasa hoṅgoricʼ, mạsul uṭhạuko ar bạṛicʼ hoṛkoren gate.’ Menkhan ạkil je khạṭige ona reakʼ porman do acʼakʼ kạmikorege menakʼa.”

Sereńko 31:11

Bạiriko ṭhen iń do henostageń hoyakana, bạ̃ṛtikaete ińren gateko ṭhen. Ar ńepel oprom hoṛko ṭhen do torasge; kulhireko ńelliń khan onko doko ńir pharakokʼkana.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Johan 7:15

“Nui hoṛ do jãhãn sikhnạt bae ńamakatʼre hõ cekate noako reaṅ doe baḍaekana?”

Rak̕joṅ 3:30

Uni do thapakạnicʼ acʼakʼ johae ạcuraema ar henostateye tuhedokʼma.

Johan 8:48

Unre Jihudi mukhiyạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Johan 7:20

Onkoko roṛ ruạṛadea, “Amre do bhut menaea; okoe am gocʼme lạgitʼ doe kurumuṭukana?”

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Sereńko 88:8

Ar am do ińren hoṛko iń ṭhen khonem idiakatʼkoa; ar onko ṭhen do hirkhạwạnicʼem hoyoco akadińạ. Iń doń esetʼ akana, ar bạń oḍok hecʼ daṛeakʼ kana;

Sereńko 31:1

E Probhu Isor, iń do amregeń hirlạ akana; lajaore tishõ alom paṛao ocoyińạ; amakʼ dhorom bicạr iạte rukhiyạyiń me.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Sereńko 41:5

Ińren bạiriko do ińakʼ bhageakʼ baṅkateko mena, “Uni do tinreye gujukʼa? Ar tinre uniyakʼ ńutum do cabakʼtaea?”