Sereńko 22:31 - সান্তালী বাইবেল

³¹ Okoeko ńit hõ bako janam akan, onko ṭhen senkate Hoṛko do uniyakʼ dhorom reakʼ kathako lại jạhira; arko mena, unige noako doe kạmi akada.

Sereńko 22:31 Referans Kwoze

Sereńko 78:6

jemon tayom piṛhirenko hõ onako baḍae daṛeakʼ ar akoren gidrạko ṭhen onako lại daṛeakʼ.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

Sereńko 102:18

Darakan bõsko lạgitʼ noako katha do ol tahena, jemon okoe ńit hõ bako janam akan onko do Probhu Isorko sarhao daṛeae.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Jesaea 60:4

“Am do beṛhaete beṅgetʼ rakabme, onko sanamkoge mitʼ domte am ṭhenko hijukʼkana; amren hoponko do sạṅgiń khonko hijukʼkana ar amren hoponerako doko heo ạgu ocokʼkana.

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Sereńko 40:9

E Probhu Isor, maraṅ bạisire iń do amakʼ dhorom kạmi reaṅ iń lại jạhira; ar am dom baḍaege, iń do luṭikin bạń sikupʼetʼtińạ mente.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.