Sereńko 22:30 - সান্তালী বাইবেল

³⁰ Darakan bõsrenko do uni ṭhenko khaṭaokʼa, ar ona jugren hoṛko ṭhen Probhu reaṅko lại akoa.

Sereńko 22:30 Referans Kwoze

Ibriko 2:13

Jisu do arhõe meneda, “Iń do Isor cetanre bhorsa akaniń tahena.” Ar mitʼ jaegare uni doe meneda, “Nokʼõe ńelme, iń ar onko hoponko one okoeko do Isore emakawạdiń.”

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Sereńko 102:28

Amren golamren gidrạko do jiwetʼgeko tahena; onkoren bõsko do am samaṅre ṭarhao akanko tahena.

Sereńko 87:6

Probhu Isor do jạt jạtrenkoe ol caṛhaokoteye mena, “Nui do Sionregeye janam akana.” (Sela)

Sereńko 73:15

Noako katha hoṛko ṭheniń menle khan, enḍekhan noa piṛhiren amren hoṛko ṭhen iń do pạtiạranicʼ iń hoykokʼa.

Sereńko 24:6

Nonkan hoṛ do Probhu Isorko sewawaea, onko do uniyakʼ mẽtãhãko ńam bakʼṛa kana ar noko kangeako Jakobren bõsko do. (Sela)

Sereńko 14:5

Isor do acʼren dhorom hoṛko sãote menaea, onate onko hoṛ do ạḍi botor paṛao akoa.