Sereńko 22:28 - সান্তালী বাইবেল

²⁸ Hẽ, rajosṭi do Probhu Isorakʼge hoyokʼma; ar sanam jạtrenko cetanren raj doe uni kangea.

Sereńko 22:28 Referans Kwoze

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 45:22

“E dhạrti reakʼ ses simạnarenko, iń secʼ ruạṛokʼpe ar bańcaokʼpe, ente iń kangeạń Isor do, iń chaḍa ar cele hõ Isor doko baṅkana.

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.