Sereńko 22:2 - সান্তালী বাইবেল

² E ińren Isor, siń bhoriń hohowam kana, menkhan am do bam roṛ ruạṛạń kana; ar ńindạ hõ iń do thir akan bạń tahẽnkana.

Sereńko 22:2 Referans Kwoze

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Sereńko 88:1

E Probhu, ińren babańcaoicʼ Isor, iń do siń sạṭupʼ am ṭheniń rakʼetʼkana.

2Timothi 1:3

Ińren hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

1 Thessalonikikko 3:10

Ale do siń ńindạ Isorle nehõrae kana, jemon ape tulucʼle ńepel ńapam daṛeakʼ ar apeakʼ biswạsre oka reṅgecʼ menakʼtape onale purun daṛeakʼ.

Luk 6:12

Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Mathae 26:44

Uni do arhõe bạgi oṭowatʼkote tesar dhao senkate inạ kathageye koekeda.

Rak̕joṅ 3:44

Am do rimiltem danaṅ akana jemon aleakʼ koejoṅ ona talate bae parom daṛeakʼ.

Rak̕joṅ 3:8

Goṛo ńam lạgitʼ iń hohoyetʼre ariń rakʼetʼre, uni do ińakʼ koejoṅ bae ańjometʼtińạ.

Sereńko 80:4

E sanam daṛeanicʼ Probhu Isor, amren hoṛkoakʼ koejoṅakʼre ar tinạkʼ din edre akanem tahena?