Sereńko 22:14 - সান্তালী বাইবেল

¹⁴ Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Sereńko 22:14 Referans Kwoze

Daniel 5:6

Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Sereńko 31:10

Hasote ińakʼ jiwi do oḍokokʼ kana, ar hae haete umer hõ parom calakʼkan tińa; bedhorom iạte ińakʼ daṛe do komao idikʼ kana, ińakʼ jaṅko do nijor caba akana.

Jobakʼ 23:16

Isor do ińakʼ mone latwakʼ akatʼtińạ; sanam daṛeanicʼ do ạḍiye botor ocoakadińạ.

Josuạ 7:5

Nagraha reakʼ phaṭok khon Ae nagraharen hoṛko do Israelkoko khudạu idiketʼkote Sabarim reakʼ tapol jaegare onkoren pegel turui hoṛko gocʼketʼkoa. Onate Israelkoakʼ mon reakʼ jor do rạputʼentakoa.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Sereńko 68:2

Dhũạ leka onko do oṭaṅ idikom; ar seṅgel samaṅre cherokʼkan mom leka bedhoromko do Isor samaṅ khonko mohor meṭaokʼma.

Sereńko 22:17

Ińakʼ jaṅkoń lekha daṛeakʼ kana; onko hoṛ do cahapʼkateko ńeleń kana arko ńel mojayediń kana.

Jobakʼ 30:16

“Iń bhitrire jiwi do bumbhạu oḍokokʼkantińạ; kosṭo reakʼ dinko doko muṭhiạu akadińạ.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Mathae 26:38

Uniye metatʼkoa, “Gujukʼ dạkhil jiwi lokʼkantińa. Ape do onḍege tahẽ hataṛokʼpe ar iń tulucʼ jagwar akae tahenpe.”

Jobakʼ 16:10

Iń landa-dhutʼạń lạgitʼ hoṛ do mocako cahapʼ akatʼtakoa; siṛogate johareko thapa edeńkana ar iń upạrte mitʼ sãoteko jarwakʼ kana.

Sereńko 35:21

Iń upạrte luṭi binḍucʼkateko meneda, “Hẽ, ale do nij mẽtʼtegele ńel akada.”

Rak̕joṅ 3:46

Aleren sanam bạiriko do ale upạrte mocako cahapʼ akatʼtakoa.