Sereńko 21:1 - সান্তালী বাইবেল

¹ E Probhu Isor, amakʼ daṛe ńelte raj doe rạskạkʼ kana; arem jitạu ocolere uni do ạḍiye kusikʼkana.

Sereńko 21:1 Referans Kwoze

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Mathae 2:2

“Jihudikoren janam akan raj do okare menaea? Ale do uniren ipil purubrele ńelakadea ar uni sewawae lạgitʼle hecʼakana.”

Sereńko 62:7

Ińakʼ bańcao ar manot do Isorrege bhorsa akana; Isorge ińren daṛe, ar ińren usul buru, unige ińren aotan gaṛ.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Sereńko 95:1

Dela, Probhu Isor ńutumte rạskạte bon sereńaema; aboren rurukhiyạ buru bon andoṛaema.

Sereńko 71:17

E Isor, juạn okte khon amge sikhnạtem em akawạdińạ; ar teheń hõ amakʼ hahaṛa kạmi reakʼ kathań porcareda.

Sereńko 63:11

Raj do mekhan Isor iạtegeye rạskạkʼa; ar okoe Isorakʼ ńutumteko kiriạkʼkan onko do jotoge uni iạteko sarhaokʼa; menkhan phạsiạrakoakʼ moca do bond ocokʼtakoa.

Sereńko 20:9

E Probhu Isor, bańcaoleme baṛe; E raj, alele hohowamre roṛ ruạṛaleme.