Sereńko 20:6 - সান্তালী বাইবেল

⁶ Ńitokʼ doń baḍaegea je, Probhu Isor do acʼe ojokʼ akade hoṛe bańcao edeya, ar acʼakʼ jojomti teakʼ bańcaokʼ reakʼ maraṅ daṛete uni do sonot serma khon acʼe ojokʼ akade hoṛakʼ hohoe ańjomtaea.

Sereńko 20:6 Referans Kwoze

Sereńko 28:8

Probhu Isorge, acʼren hoṛkoakʼ daṛe; unige acʼren ojokʼ akatʼkoren rukhiyạyicʼ gaṛ do.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kuruslede ar okoe do gocʼko khon Isore jiwetʼ beretʼkede, uniyakʼ daṛetege nui hoṛ doe bogeyente ape samaṅreye teṅgo akana.

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Sereńko 18:50

Probhu Isor do acʼren raj ḍher dhaoe jitạu ocoyea; acʼren bachao bahal akatʼko hoṛ lạgitʼ, Dạud do uniren bõsko lạgitʼ, uni do jaejug hạbicʼ acʼakʼ dulạṛe udugtaea.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Aposkạmi 2:36

“Onate sanam Israel jạtrenko do noa katha khạṭiteko baḍaema je, ape okoepe kuruslede Isor do uni Jisuge Probhu hõ ar Mạsi hõe hoyoco akedea.”

Jesaea 58:9

Ar unre iń ṭhenpe koe lekhan iń doń ańjomtapea; ar goṛo ńam lạgitʼpe hohoạń khan doń mena, ‘nonḍege minạńa.’ “Ape ṭhen khon julumakʼ arãṛ, kạṭupʼte udukʼakʼ ar hiskạte perecʼ kathape bạgiyakʼ khan,

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 41:11

Ińiń baḍaea am do ińre dhirpur akae menama, ente bạiri do iń cetanre bae jitạu daṛeada.

Sereńko 18:35

E Probhu Isor amakʼ rurukhiyạ ḍhal do ińem emakawạdińa, ar amakʼ jojom ti doe sapʼ akadińạ; amakʼ joton iạte iń do maraṅiń hoyakana.

Sereńko 17:7

Amakʼ khạndri dulạṛ do hahaṛa salakʼ sodorme; ar bạirikoakʼ ti khon rukhiyạ ńam lạgitʼ okoe do amre asrayko ńam bakʼṛakan, onko do amakʼ jojom titem rukhiyạyetʼkoa.

1 Rapajko 8:43

enḍekhan amakʼ tahen ṭhạ̃i khon ańjomtaeme. Ar uni okae khoj uni lạgitʼ ona baṛe onkaeme jemon dhạrtiren sanam hoṛko baḍae daṛeam ar amren hoṛko leka onkohõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Sereńko 9:15

Eṭakʼ jạtrenko do apnarko la akatʼ ghaḍlakʼregeko khańjokʼ kana; ar akoko oḍao akatʼ jhạliregeko jhạlikʼ kana.

Mikạ 4:5

Jạt jạtrenko do akoren debotakoakʼ daṛeteko kạmiyetʼre hõ abo do jaejug aboren Probhu Isorakʼ daṛete bon kạmi idiyma.