Sereńko 18:4 - সান্তালী বাইবেল

⁴ Gujukʼ reakʼ baberteń tol akan tahẽkana. ar banbạsiteń toraslena.

Sereńko 18:4 Referans Kwoze

Sereńko 116:3

Gujukʼ reakʼ baberte iń do toliń tahẽkana, ar patal puri reakʼ jaljalaokʼreń paṛaolena; iń do duk ar kosṭoreń tahẽkana.

2 Korinthiko 1:9

Alele hudisetʼ tahẽkana, niạ dhao do khạṭigele gujukʼa. Menkhan ona dosa do noa lạgitʼge paṛaoatʼle tahẽkana jemon apnarre bhorsa baṅkate, okoe gocʼkoe jiwetʼ beretʼetʼko, uni Isorre bhorsa akanle tahen.

Mathae 26:47

Jisui roroṛkan tahẽkanrege, ńelpe, Jihudạ do onḍeye hecʼena. Uni do gelbar celako modren mitʼ hoṛe tahẽkana. Uni sãote ạḍi utạr hoṛ do tarwaṛe ar ṭhengawanteko hecʼena. Onko do maraṅ naekeko ar murubbikoko kol akatʼko tahẽkana.

Sereńko 124:4

ar ḍubạ dakʼ hõ aleye unum cabakelea, ar ạtukʼ dakʼ hõ ale cetante ạtukokʼa,

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

Aposkạmi 21:30

Unre goṭa nagrahare gulmal ehopʼena. Hoṛko do mitʼ sãoteko ńir hecʼente Pạulko jhuṭiạukedea ar mundil khonko or oḍok kedea ar ona são sãote mundil reakʼ duạrkoko sińkada.

Mathae 26:55

Uni do gadel hoṛkoe metatʼkoa, “Iń do cetʼ ḍạku kạnạń, onate tarwaṛe ar ṭheṅgawante iń sasapʼpe hecʼakana? Iń ma coṅ jaoge mundilre duṛupʼkateń cetʼako kan tahẽkan, ar unrema bacope sapʼlediń.

Jesaea 13:8

Onko do ạḍi bebạṛicʼko botorokʼa, ar ạḍi ãṭ hasokoa, gidrạ janamede kan maejiu leka bedonteko thakao cabakʼa, onko do cahapʼkate apan apin secʼko beṅgetʼjoṅa ar mẽtʼãhã do jaljalaokʼtakoa.

2 Bõsbudạ 20:21

Jehosaphat do hoṛko sãoteye sopolhaketʼte Probhu Isor ńutumte sereń ar uniyakʼ ṭhonokte perecʼ sonottetʼ sarhaotae lạgitʼ hoṛkoe bahalketʼkoa jemon onko do lạṛhại phạdko laha lahate niạ kathako roṛ idi, “Probhu Isor sarhaoepe, ente uniyakʼ daya do jaejug hạbicʼkana.”

2 Bõsbudạ 20:22

Hoṛko tinre sereń ar sarhaoko ehopʼena unre Probhu Isor do Jihudạko upạrte lạṛhại lạgitʼ hijukʼkan Amonrenko, Moabrenko ar Seyir bururen hoṛko upạrte lạṛhại phạdkoe tãṛãkʼ dohokatʼkoa. Ar unre Amonrenko ar Moabren hoṛko do Seyir bururen hoṛko upạrteko rakapʼ calaoen khan sanamkoko gocʼ cabaketʼkoa. Ar Seyirrenko gocʼ cabaketʼko khan onko do ako ako mapakʼ gopocʼko dhurạuena. Ar nonkate onko doko bhagao ocoyena.