Sereńko 18:32 - সান্তালী বাইবেল

³² Isorge ińakʼ ḍanḍare daṛeye imạńkana unige ińakʼ horkoe sạbit ocoyetʼtińạ.

Sereńko 18:32 Referans Kwoze

2 Korinthiko 3:5

Menkhan apnarte jãhãnakʼ cekae reakʼ daṛe menakʼtalea mentele dạbi daṛeakʼa ona do baṅ, bickom ona lektetʼ do Isor ṭhen khonge hijukʼ kana.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

2 Samuel 22:33

Isorge ińren kajak asray unige ińakʼ horkoe sạbit ocoakada.

Sereńko 91:2

Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Sereńko 93:1

Probhu Isorge rapaj do; uni do ṭhonok reakʼ kicricʼe horokʼeda, uni do kajakte ḍanḍae paṭhe akatʼtaea; dhạrti do ạḍi keṭecʼte tearakana, ona do tishõ baṅ ḍikạḍakekʼa.

1 Samuel 19:8

Tayomte arhõ lạṛhại tinre ehopʼena unre Dạud do oḍok senkate Philisṭiko sãoteye lạṛhạiyena. Uni do onkoren ạḍi utạr hoṛe gocʼketʼkoa, ar onko do uni samaṅ khonko dạṛkeda.

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”