Sereńko 18:28 - সান্তালী বাইবেল

²⁸ Amge ińakʼ jion reakʼ diuhe dom jol dohoyetʼ kana; ińren Probhu Isor do ińakʼ ńute marsalketʼtińạ.

Sereńko 18:28 Referans Kwoze

Jobakʼ 29:3

Ińakʼ bohokʼ cetanre uniyakʼ diuhe do jolokʼkan tahẽkana, uniyakʼ marsalte iń do unre ńutreń dãṛãnkan tahẽkana.

2 Samuel 22:29

E Probhu Isor, amge ińakʼ diuhe do; amge ińakʼ ńut dom marsal ocoyetʼtińạ.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Mathae 4:16

ar okoeko hoṛ ńutreko tahenkan, onko do maraṅ marsalko ńela. Ar okoe kaṛaṅ ńut reakʼ umulreko duṛupʼ akan, onko do marsal bamberakoa.

Luk 1:79

jemon ńut ar gujukʼ umulreko duṛupʼ akan Onko do marsale emako, ar suluk reakʼ horteye ạyur idi bon.”

Kạhtukko 20:27

Manwawakʼ jiu do Probhu Isorakʼ diuhe kana; ona do manwa ontor reakʼ jotowakʼe ḍunḍhạua.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Sereńko 132:17

Onḍe iń do Dạud lạgitʼ mitʼṭen daṛean bõskoń benao rakapʼkoa; ar ińren ojokʼicʼ lạgitʼ iń do mitʼṭecʼ diuheń tear dohoya.

Jobakʼ 18:6

Uniyakʼ tạmbu reakʼ marsal do ńutokʼtaea; uni ṭhen dohoakatʼ diuhe hõ ĩṛĩjokʼa.

1 Rapajko 15:4

Enhõ Dạudakʼ katha disạite uniren Probhu Isor do Jerusalemre mitʼṭecʼ mạliye emena, metakʼme uniyakʼ siṅghạsonre duṛubokʼ lạgitʼ mitʼṭen hopone emena ar Jerusalem do ḍahao maraokʼ khone rukhiyạkeda,

1 Rapajko 11:36

Ar ińakʼ tahen oṛakʼ lekateń bachao akawan Jerusalem nagraha do jemon iń samaṅre ińren guti Dạudakʼ mitʼṭecʼ mạli tahen onate uniren hopon do mitʼ gusṭirenko reakʼ bhariń emaea.

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.