Sereńko 18:20 - সান্তালী বাইবেল

²⁰ Ińakʼ dhorom kạmi lekatege Probhu Isor doe dan akawạdińa, ar ińakʼ kạmi reakʼ napaetetʼ iạtege kuṛạiye emadińạ;

Sereńko 18:20 Referans Kwoze

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

1 Korinthiko 3:8

Rohoeyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

Mathae 6:4

Jemon amakʼ dan emokʼ do okoge tahentam. Enḍekhan okoe danaṅ khon jotowakʼe ńeńelkan uni amren Baba do kuṛạiye emama.

Kạhtukko 11:18

Bedhoromkoakʼ rojgarakʼ do ạuṛiyakʼgetakoa, menkhan Isore botoraekan hoṛ okoe do itạye er uni do sạrige ona reakʼ phosole ira.

Sereńko 58:11

Ona ńelte hoṛkoko mena, “Isor botoraekan hoṛkoakʼ jionre sạri kuṛại do menakʼgea; sạrige eken mitʼ goṭen Isorge menaea one uni dhạrtirege bạṛicʼkoe bicạrko.”

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Jesaea 62:11

Probhu Isor do dhạrti reakʼ ses simạ hạbicʼe lại sodoreda, “Sionren kuṛi metaepe, ‘ńelme amren babańcaoicʼ doe hijukʼkana. Ńelme, uni okaṭakʼ kuṛạiye ńamakatʼ ona do acʼ sãotege menakʼtaea; ar acʼakʼ kuṛại do uni ṭhenge menakʼa.’ ”

Jesaea 49:4

Menkhan ińiń menkeda, “Iń do nahakgeń khaṭao akana; ạuṛiyakʼ ar michạge ińakʼ daṛekoń khoroc akatʼtińạ. Enhõ ińakʼ paona do Probhuakʼ tirege menakʼa, ar ińakʼ kuṛại do Isor ṭhenge.

Jobakʼ 22:30

Ona chaḍa uni do eṭakʼ dusi hoṛko hõe bańcaokoa; ar amakʼ ti saphage iạte onko do bańcaoko ńama.”

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

Sereńko 18:24

Onate Probhu Isor do kuṛạiye emakawạdińa uniyakʼ mẽtʼãhã samaṅrege ińakʼ dhorom kạmi lekate ińakʼ mońjakʼ kạmiko iạtege.

Sereńko 7:8

Probhu Isorge onko doe bicạrkoma. E Probhu Isor, ińakʼ dhorom kạmi ar sạriyakʼtetʼ lekage baṛe bicạrińme.

Sereńko 7:3

E Probhu, ińren Isor, nonkanakʼ jãhãnakʼ iń kạmi akatʼ khan, ar bạṛicʼakʼ reakʼ jãhãn dag ińakʼ tire menakʼ khan,

1 Samuel 24:17

Uni do Dạude metadea, “Aben do ạliń khon hõ ḍher ben dhoromgea, ente ạliń do aben tulucʼ ḍher bạṛicʼ liń beohar akatʼre hõ aben do bhage ben beohar akada.

Jobakʼ 36:16

“Uni do kosṭo tala khon oḍok ạgumeye khojkana; ar nonkan phaelao ṭhạ̃iteye idimea okare jãhãn tạkicʼakʼge baṅ tahen. Onḍe amakʼ ṭebil do bhage bhage jomakʼte perecʼ tahena.

Sereńko 31:9

E Probhu Isor, dayawạńme baṛe, ente iń do kosṭore minạńa; dukte ińakʼ mẽtʼ ar hoṛmo do laṅga idikʼ kantińạ.

Sereńko 118:5

Iń do muhinreń paṛaoente Probhu Isoriń hohoadea; ar uni doe ańjomketʼtińạ ar mitʼṭecʼ ṭhạ̃ireye oḍok ạgukedińa.