Sereńko 18:12 - সান্তালী বাইবেল

¹² Uni samaṅ reakʼ rãt khon ona dạriạ rimil do ocokʼena; arel ar seṅgel aṅgrakoge oḍok hecʼena.

Sereńko 18:12 Referans Kwoze

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 17:2

Ar onko samaṅre uni doe eṭakʼ boronena. Uniyakʼ mẽtãhã do siń cando leka jhak jhak ar kicricʼko do marsal leka pĩṛĩtʼ pĩṛĩtʼ ponḍentaea. Onko do Mose ar Eliạ Jisu tulucʼ galmaraoko ńelketʼkinạ.

Sereńko 104:2

Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Jesaea 50:3

Serma do kicricʼ leka ńutiń horokʼae kana ar gõṛẽ kicricʼ do ona reakʼ oyonakʼ geń hoeocoyeda.”