Sereńko 17:14 - সান্তালী বাইবেল

¹⁴ E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sereńko 17:14 Referans Kwoze

Johan 17:14

Am okakom menakawạdiń onakogeń baḍae ocoakatʼkoa. Dhạrtiren hoṛ do onkoko kurud akatʼkoa, ente iń do cetʼleka noa dhạrtiren iń baṅkan onkage onko hõ noa dhạrtiren doko baṅkana.

Johan 15:19

Ape do noa dhạrtirenpe hoylen khan enḍekhan hoṛko do apnarren menteko dulạṛkepea. Menkhan noa dhạrtiren dope baṅkana, bickom iń do dhạrti khoniń bachao akatʼpete dhạrtiren hoṛko apeko kurudape kana.

Johan 8:23

Jisui metatʼkoa, “Iń do coṭ khoniń hecʼakana ar ape do latar khonpe hecʼakana. Ape do noa dhạrtiren kanape, menkhan iń do noa dhạrtiren doń baṅkana.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

Jakob 5:5

Noa dhạrtire ạḍi nirạite dinpe ṭalaoeda ar bin sambṛaokʼtepe ten ocoakana. Gujukʼ din lạgitʼpe logno akana.

Sereńko 73:12

Noko kangeako onko bạṛicʼ hoṛ do okoe do nirdạndi tahẽkate dhon sompottiko ḍheretʼtako.

Sereńko 39:6

Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Jobakʼ 21:21

Uniyakʼ bahaokʼ dinko tinre cabakʼa unre cetʼ oneye bạgi akatʼ acʼakʼ gharońj lạgitʼe hudisokʼa?

Jobakʼ 12:9

Onko sanamgeko baḍaea Probhu Isorakʼ daṛegeye nonkayeda.

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Kạhtukko 2:4

ar rupạ ńam baṛae leka ạkilem ńam baṛae khan ar okowakʼ dhon lekam sendra baṛale khan,