Sereńko 17:1 - সান্তালী বাইবেল

¹ E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;

Sereńko 17:1 Referans Kwoze

Sereńko 142:6

Ińakʼ rakʼjoṅ baṛe luturakʼtińme, ente ạḍi awaṭapareń paṛao akana; okoe ińko khudạu edeńkan onkoakʼ ti khon bańcaoińme, ente iń khon doko daṛeangea.

Sereńko 61:1

E Isor, ińakʼ rakʼjoṅ ańjomtińme; ar ińakʼ koejoṅ luturakʼme.

1 Johan 3:21

Dulạṛiạ gidrạko, aboakʼ ontor bae dusile bon khan, enḍekhan Isor samaṅre aboakʼ dil do tahengea.

Mathae 15:8

noko hoṛ do mocategeko ganaoedeń kana, menkhan onkoakʼ ontor do iń khon sạṅgińgetakoa.

Sereńko 145:18

Okoe Probhu Isorko hohowae, ar ontorteko hohowae kan, uni do onko ṭhengeye tahenkana.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Sereńko 142:1

Iń do ãṭ aṛaṅte Probhu Isoriń rakʼae kana; ińakʼ ãṭ aṛaṅte Probhu Isor ṭheniń nehõrokʼ kana.

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Sereńko 86:1

E Probhu Isor, ińakʼ katha luturakʼtińme ar roṛ ruạṛạńme, ente iń do nandan ariń nacargea.

Sereńko 66:19

Menkhan Isore ańjomakatʼtiń onare jãhãn bhul do bạnukʼ anaṅ; uni do ińakʼ koejoṅe lutur akawada.

Sereńko 43:1

E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.

Sereńko 18:20

Ińakʼ dhorom kạmi lekatege Probhu Isor doe dan akawạdińa, ar ińakʼ kạmi reakʼ napaetetʼ iạtege kuṛạiye emadińạ;

Sereńko 7:8

Probhu Isorge onko doe bicạrkoma. E Probhu Isor, ińakʼ dhorom kạmi ar sạriyakʼtetʼ lekage baṛe bicạrińme.

2 Bõsbudạ 7:15

Niạ jaegare okaṭakʼ koejoṅ hoyokʼ ona lạgitʼ ińakʼ mẽtʼ ar lutur do jhicʼge tahena.

Sereńko 5:2

E ińren raj, E ińren Isor, amakʼ goṛo lạgitʼ ińakʼ rakʼjoṅ ańjomtińme, ente am ṭhengeń koejoṅ kana.

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Sereńko 18:44

Onko do ińakʼ katha ańjom torageko bataotińạ; ar bidisiạ hoṛ doko luhum suhumań kana.

Nehemiạ 1:6

E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

2 Samuel 22:24

Uni samaṅre iń do bin dusạngeń tahẽkana, ar kại khon hõ pharakreń tahẽlena.

Jobakʼ 16:17

Enhõ iń do celege bạń jor julum akatʼkoa ińakʼ koejoṅ do saphagetińa.

Sereńko 54:4

Isorge iń doe goṛowạńa; ar Probhuge iń doe sapʼ dohoyińạ.

Sereńko 55:18

Okaṭakʼ lạṛhại iń upạrte calakʼkan tahẽkan onare iń upạrtenkoakʼ do maraṅ dol tahẽkana, onate uni doe chaḍao ạgukedińa ar nirạiteye dohoakadińạ.

Sereńko 61:2

Ińakʼ mon loraolen tińre hõ ar dhạrti reakʼ mucạtʼ simạkoreń tahenre hõ iń do onḍe khon hõ amiń hohowama. Ar nonkan usul aotan burure ạyur rakabińme okaṭakʼ do iń khon ḍher pharakre menakʼ.

Sereńko 84:9

E Isor, aleakʼ ḍhal beṅgetʼakʼme; amren ojokʼicʼakʼ mẽtʼãhã beṅgetʼataeme.

Sereńko 86:6

E Probhu Isor, ińakʼ koejoṅ ańjomtińme; ar ińakʼ nehõrjoṅakʼ luturakʼtińme.

Sereńko 88:3

Ente ińakʼ ontor do dukte perecʼgea; ińakʼ jiwi do patal puri hạbicʼ sen akana.

Sereńko 102:2

Ińakʼ muhinre alom dea giḍikạńạ. Ińakʼ katha luturakʼme; ińiń hohowamre alom biloma.

Sereńko 143:1

E Probhu Isor, ińakʼ koejoṅ ańjomtińme, ińakʼ nehõrjoṅ reakʼ rakʼ luturakʼtińme; amakʼ pạtiạrtetʼ ar amakʼ dhoromte roṛ ruạṛạńme.