Sereńko 16:7 - সান্তালী বাইবেল

⁷ Iń do Probhu Isoriń sarhaoea uni do bhage solhae imạńkana; ar ńindạ jokhecʼ ińakʼ ontor hõe sikhạuedeń kana.

Sereńko 16:7 Referans Kwoze

Sereńko 73:24

Amakʼ solhateyem calaoińạ ar sesre amakʼ ṭhonokreyem ataṅińạ.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Sereńko 77:6

Ńindạ jokhecʼ ińakʼ sereń reakʼ joto kathako disạ hecʼạńkan tahẽkana; ar iń do ontorreń ganḍonokʼ kan tahẽkana ar mon monteń ḍunḍhạuetʼ tahẽkana.

Sereńko 17:3

Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Sereńko 63:6

Aṭetʼre giticʼkate amakʼ katha reakʼ iń ganḍonokʼ kana, ar ńindạ do pohrek pohrekre am reakʼ iń dheneda;

Sereńko 42:8

Sińre Probhu Isor do acʼakʼ asambheṛ dulạṛ ińreye duleda; ar ńindạ do jionren Isor ṭhen ińakʼ koejoṅ ar uniyakʼ sarhao sereńge ińren gate doe hoyokʼkana.

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Kạhtukko 8:14

Solha ar sạri bidiạ do ińrege; buj do ińge, jor hõ ińge.

Sereńko 119:55

E Probhu Isor, iń do amakʼ hukumiń manaoeda, ar ńindạ do amakʼ kathań disạyeda. Ińakʼ heowa do noage je,

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Luk 6:12

Inạ tayom Jisu do koejoṅ lạgitʼ mitʼṭecʼ buruteye rakapʼ calaoena ar goṭa ńindạ Isor ṭhene koe aṅgakeda.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Sereńko 119:7

Amakʼ dhoromte perecʼ ạn ạri reakʼ sikhạunate khạṭi ontorte amiń sarhaomea.

Sereńko 119:148

Ńindạ ạuri cabakʼrege ińakʼ mẽtʼ do beṅgedokʼ kana, jemon amakʼ sanam gokʼakʼkoń ganḍon daṛeakʼa.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Sereńko 22:2

E ińren Isor, siń bhoriń hohowam kana, menkhan am do bam roṛ ruạṛạń kana; ar ńindạ hõ iń do thir akan bạń tahẽnkana.

Jirimiạ 12:2

Onko do amgem rohoey akatʼkoa arko rehetʼ akana; onko doko harakʼkana arko jo bahakʼkana. Onko do mocate jao okte amakʼ kathako roṛa menkhan onkoakʼ ontor do am khon ḍher sạṅgińgetakoa.

Sereńko 73:21

Ińakʼ mon do tinre haṛhatʼlena ar ontor hõ sobokʼlentińa,