Sereńko 16:2 - সান্তালী বাইবেল

² Iń do Probhu Isoriń menakawadea, “Am kangeam ińren kisạ̃ṛ do; am begor bhageakʼ do cetʼte hõ baṅ hoyokʼtińạ.”

Sereńko 16:2 Referans Kwoze

Sereńko 73:25

Sermare ińren sanamakʼ dom amkangea; amiń ńamketʼme iạte dhạrtire ińakʼ jãhãnakʼ khojogokʼakʼ do ar bạnukʼtińạ.

Sereńko 91:2

Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Sereńko 89:26

Uni do hohowạńteye mitạńa, ‘amge ińren Baba do, ińren Isor, ar ińren aotan buru.’

Sereńko 31:14

Menkhan E Probhu Isor, iń do amregeń hirlạ akana; ariń meneda, “Am kangeam ińren Isor do.”

Johan 20:28

Unre Thomae menkeda, “E ińren Probhu, E ińren Isor.”

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Jesaea 26:13

E Probhu, aleren Isor, am chaḍa eṭakʼ Probhuko hõ ale cetanre mạlikiko calaoleda, menkhan ale do eken amgele aṅgocetʼmea.

Romiko lạgitʼ Pạul Apostolakʼ ciṭhi 11:35

Isor upạrte okoeyakʼ baṅ dạbiteakʼ menakʼtae, onate uniyakʼ dạbi do manao hoyokʼtaea mente?

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Sereńko 8:1

E Probhu Isor, E aleren kisạ̃ṛ, goṭa dhạrtige amakʼ ṭhonokte perecʼ akana; ar sermare amakʼ ṭhonokem bạisạu akada.

Luk 17:10

Onkage Isorakʼ hukum leka sanamakʼ kạmi tayom ape do menpe, ‘okạjuạ gutiko kanale; okaṭakʼ kạmi lek tahẽkantale eken inạgele kạmi akada.’ ”

Jesaea 44:5

Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”