Sereńko 16:11 - সান্তালী বাইবেল

¹¹ Amge jion reakʼ horkom baḍae ocoakadińạ; cepel cepel rạskạ do am mẽtʼãhã samaṅrege menakʼa, ar amakʼ jojomti secʼ do jaejug reakʼ sukge menakʼa.

Sereńko 16:11 Referans Kwoze

Aposkạmi 2:28

Am do jion reakʼ horkom baḍae ocokedińạ; ar cepel cepel rạskạ do am mẽtʼãhã samaṅrege menakʼa.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

Ephesiko lạgitʼ Pạul Apostolakʼ ciṭhi 3:19

Mạsiyakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Mathae 7:14

Menkhan okaṭakʼ hor jion secʼe ạyur idi ona reakʼ hor do sakṛagea ar duạr hõ suṛucʼgea. Ar thoṛa hoṛge noa doko sendra ńametʼkana.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Mathae 5:8

Okoeyakʼ ontor khạṭigetako onkogeko bhạgana, ente onko do Isorko ńelea.

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Romiko lạgitʼ Pạul Apostolakʼ ciṭhi 8:11

Okoe do Jisu gocʼko khone jiwetʼ beretʼakade uni Isorren Jiu apeakʼ ontorreye girobas akan khan, enḍekhan Isor do acʼren uni Jiu hotete apeakʼ gujukʼakʼ hoṛmo hõe jiwetʼ ocoytapea.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

1 Korinthiko 13:12

Abo do ńitokʼ ạrsire pusṭạute babo ńeleda, menkhan unre samna sạmni bon ńel ńama. Iń do ńitokʼ okań baḍaekan ona do purạute bạń baḍaea, menkhan Isor do cetʼleka purạteye baḍaeyediń kan, unre onkage purạteń baḍaea.

Kạhtukko 12:28

Dhorom reakʼ horre do jion menakʼa, ar ona horre do gujukʼ bạnukʼa.

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Mathae 25:33

Uni do acʼakʼ jojom secʼre bhiḍiko ar leṅga secʼre do meromkoe dohokoa.

Sereńko 139:24

Ar ńelme amiń duk ocome nonkan ińakʼ monre menakʼa se baṅa; am do jaejug reakʼ horre ạyurińme.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Kạhtukko 2:19

Okoe uni ṭhenko calakʼ onko do ar tisge bako ruạṛ hijukʼa, onko do bańcaokʼ reakʼ hor bako ńama.

Kạhtukko 5:6

Jion secʼakʼ hor do bae moneyakʼa; uniyakʼ calakʼ hor do baṅ sojhetaea, ar do ona bae baḍaea.

Aposkạmi 7:56

“Ńelpe, iń do serma jhicʼ akan ar Manwa Hopon Isorakʼ jojomsa aṛere teṅgo akaniń ńelekana.”

Sereńko 4:8

E Probhu Isor, amge bin botortem doho akadińạ, onate iń do sulukteń jạpida.

Sereńko 68:4

Isor lạgitʼ sereńpe, ar uni õṛhẽ sereńaepe; hahaṅkar talate okoe do rãt gạḍire decʼkateye hijukʼkan uni lạgitʼ usul hor tearpe; uniyakʼ ńutum do Probhu Isor, uni samaṅre hulạsokʼpe.