Sereńko 150:6 - সান্তালী বাইবেল

⁶ Sahẽtʼetʼkan sanam jiwiyanko do Probhu Isorko sarhaoema. Probhu Isorakʼge sarhao hoyokʼtae ma.

Sereńko 150:6 Referans Kwoze

Sereńko 145:21

Ińakʼ moca do Probhu Isorakʼgeye sarhao sereńa; ar sanam jiwiyanko do piṛhike piṛhi uniyakʼ sonottetʼko sarhaotaea.

Johan sodor 5:13

Ona tayom sermare, dhạrtire, ot latarre ar jalapurire tinạkʼ jiwiyanko menakʼko, ar onare jãhãnakʼge menakʼ jotokoge noa katha roroṛkaniń ańjomketʼkoa: “Singhạsonre okoeye duṛupʼ akan Uniyakʼ ar uni Bheḍa Hoponakʼ sarhao man ar ṭhonok ar daṛe do jaejug hạbicʼ tahenma.”

Sereńko 103:22

E Probhu Isorakʼ rajosṭi reakʼ sanam ṭhạ̃ire uniyakʼ sanam sirjonko, ape do uni sarhaoepe; E ińakʼ jiwi, Probhu Isor sarhao sereńae me.

Sereńko 145:10

E Probhu Isor, am okam sirjạu akatʼ onako do amgeye sarhaomea; ar am botoram kanko do amko gun manao joharama.

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Sereńko 148:13

Onko jotoge Probhu Isorko sarhaoema, ente eken unigeye maraṅa; Ot ar serma cetanre uniyakʼ mạhima menakʼa.