Sereńko 150:5 - সান্তালী বাইবেল

⁵ Kajak saḍekan kortalte uni sarhaoepe, ar chaṅ chaṅokʼkan kortalte uni sarhaoepe.

Sereńko 150:5 Referans Kwoze

1 Bõsbudạ 15:16

Dạud do Liwikoren mukhiyạkoe metatʼkoa, onko do jemon bajnakote, metatʼme, binạ banam, peṛesaṅ, kortalko ruwate rạskạkʼ lạgitʼ sereń dolko bahalko.

1 Bõsbudạ 25:1

Sekʼwa oṛakʼ reakʼ sapʼ sosor kạmi lạgitʼ Dạud ar lạṛhại phạdkoren subedarko do Asaph, Hemon ar Jiduthonren hoponkoko begarketʼkoa jemon onko do peṛesaṅ, binạ banam ar kortal ru seletʼ sereń talate Isorakʼ kathako sodor daṛeakʼ. Ar okoeko noako kạmikan tahẽkan onkoa tạlika do nonka leka:

1 Bõsbudạ 25:6

Isorakʼ oṛakʼ reakʼ kạmi lạgitʼ noko jotoge akoren apattetʼ Asaph, Jiduthon ar Hemonakʼ ạyur tabereko tahẽkana. Onko do rajakʼ hukumte kortal ar binạ banam ar peṛesaṅ banamate Probhu Isorakʼ oṛakʼreko sereń durạṅetʼ tahẽkana.

1 Bõsbudạ 15:28

Nonkate sanam Israelko do ãṭ aṛaṅte hohowate, pẽpṛẽtʼ ar sakwa oroṅate, kortal ruwate, binạ banama ar peṛesaṅ banamate Probhu Isorakʼ sinduk do Jerusalemteko ạgukeda.

1 Bõsbudạ 15:19

Pitạl reakʼ kortal ruru reakʼ bhar do gaenaha Hemon, Asoph ar Ethon cetanre tahẽkana.

1 Bõsbudạ 16:5

Noko hoṛkoren mukhiyạ do Asaphe tahẽkana, dosaricʼ do Sakariại tahẽkana, ona tayom do Jiyiyel, Somiramoth, Jihiyel, Motithiạ, Eliyab, Bonae, Obed-Edom ar Jiyiyel. Noko do binạ banam ar peṛesaṅko banametʼ tahẽkana ar Ashaph do kortale rurukan tahẽkana;

2 Samuel 6:5

Dạud ar Israel jạtren sanam hoṛ Probhu Isor samaṅre debdạru kaṭte benaoakʼ sanam lekan bajnako ar binạ banam, peṛesaṅ, tabla, kortal ar ghạnṭikoante sereń sereńteko calakʼkan tahẽkana.

1 Bõsbudạ 13:8

Dạud ar sanam Israelko do Probhu Isor samaṅre akoakʼ goṭa daṛeteko enecʼ sereńetʼ tahẽkana ar peṛesaṅ, binạ banama, tabla, kortal ar pẽpṛẽtʼanteko rạskạkʼkan tahẽkana.